مۇنداي مالىمەتتى بۇگىن وتكەن ۇكىمەت وتىرىسىندا دەنساۋلىق ساقتاۋ ءمينيسترى الەكسەي سوي تاراتتى.
ءمينيستردىڭ ايتۋىنشا، وتكەن اپتادا ۆاكسيناسيالانعانداردىڭ سانى 1،6 ەسەگە، ياعني 254 مىڭنان 405 مىڭعا دەيىن ءوستى، دەپ حابارلايدى Almaty-akshamy.kz.
«حالىقتى ۆاكسينالاۋ جالعاسۋدا، شامامەن 5،2 ملن دوزا ۆاكسينا پايدالانىلدى، ونىڭ ىشىندە 1-كومپونەنتپەن 3 246 795 ادام نەمەسە ءتيىستى حالىقتىڭ 32،8% ەگىلدى. ەكىنشى كومپونەنتپەن 1 954 372 ادام قامتىلدى»، - دەدى الەكسەي سوي.
ونىڭ ايتۋىنشا، بۇگىنگى كۇنى ەگۋ پۋنكتتەرىندە ۆاكسينا دوزالارىنىڭ سانى جەتكىلىكتى: ءبىرىنشى كومپونەنتتىڭ شامامەن 800 مىڭ دوزاسى جانە ەكىنشى كومپونەنتتىڭ 1،4 ملن دوزاسى بار. ۆاكسينالاردى ايماقتارعا جەتكىزۋ جالعاسۋدا.
ۆاكسينالاۋدىڭ تيىمدىلىگىنە جۇرگىزىلگەن تالداۋعا سايكەس، ەلىمىزدە ءساۋىر-ماۋسىم ايلارىندا ەكپە العان ادامدار سانىنىڭ 1،3 ملن.-نان 3،2 ملن. ادامعا دەيىن ءوسۋى، ءبىرىنشى دوزامەن ۆاكسينا العان ادامدار اراسىندا اۋرۋشاڭدىقتىڭ 2 ەسەگە تومەندەگەنى بايقالادى (ءساۋىر ايىنداعى 78 مىڭنان ماۋسىم ايىندا 33 مىڭعا دەيىن).
«وسىعان بايلانىستى، "دەلتا" شتامىنىڭ پايدا بولۋىن جانە اتالعان شتامعا قارسى ۆاكسينالاردىڭ تيىمدىلىگىن زەرتتەۋدى ەسكەرە وتىرىپ، ۆاكسينالاۋدىڭ ەلدەگى ەپيدەميولوگيالىق جاعدايعا وڭ اسەرىن تيگىزەتىنىن اتاپ وتكەن ءجون»، - دەپ تۇيىندەدى ق ر دەنساۋلىق ساقتاۋ مينيسترلىگىنىڭ باسشىسى.
ەپيدەميولوگيالىق احۋالدىڭ ناشارلاۋى بويىنشا 26 ماۋسىمنان باستاپ قازاقستان رەسپۋبليكاسى قىزىل ايماقتا، ونىڭ ىشىندە 5 ءوڭىر: نۇر-سۇلتان، الماتى قالالارى، باتىس قازاقستان، اتىراۋ جانە قاراعاندى وبلىستارى بار، دەپ حابارلادى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي.
«سوڭعى اپتادا كورونوۆيرۋستىق ينفەكسيامەن سىرقاتتانۋشىلىق 39%-عا وسكەنى بايقالادى. رەسپۋبليكا بويىنشا 29 ماۋسىمداعى جۇقپالى اۋرۋلار توسەگى – 27% (7 125 توسەك)، رەانيماسيا توسەگى – 24% (589 توسەك)»، - دەدى الەكسەي سوي.
نۇر-سۇلتان جانە الماتى قالالارىندا ەپيدەميولوگيالىق جاعدايدىڭ ناشارلاۋىنا بايلانىستى حالىق كوپ جينالاتىن وبەكتىلەردىڭ قىزمەتىن شەكتەۋگە باعىتتالعان قوسىمشا شارالار ەنگىزىلدى.