الماتىنىڭ يندۋستريالدى ايماعىنداعى زاۋىتتاردا جۇمىسشىلارعا ۆاكسينانى ءموبيلدى بريگادالار سالدى
الماتىنىڭ باس سانيتارلىق دارىگەرى جانداربەك بەكشيننىڭ ايتۋىنشا، مەگاپوليستىڭ "قىزىل" ايماققا ءوتۋى كوروناۆيرۋستىڭ، ونىڭ ىشىندە جاڭا "دەلتا" شتامىنىڭ وسۋىنە بايلانىستى. كۆي-دى جۇقتىرماۋدىڭ جالعىز جولى - ەكپە الۋ. جاقىندا قۇرعاق قۇرىلىس قوسپالارىنا ارنالعان قاعاز شىعاراتىن "الماپاق" زاۋىتىنىڭ بارلىق جۇمىسشىلارى ەكپە الدى جانە شەكتەۋلەرگە قاراماستان تولىققاندى جۇمىس ىستەۋدە.
الماتىنىڭ يندۋستريالدى ايماعىنا ورنالاسقان كاسىپورىنداردىڭ شاقىرۋىمەن ءموبيلدى ەكپە بريگادالارى وسىنداعى جۇمىسشىلاردى ۆاكسينالادى.
"الماپاق" جشس-دە ۆاكسينا سالدىرۋعا 30 ادام جازىلدى، ولاردىڭ بارلىعى - زاۋىتتىڭ جۇمىسشىلارى. ولار ۆاكسينانىڭ ەكى كومپونەنتىن الدى، وزدەرىن جاقسى سەزىنەدى، جاناما اسەرلەردى سەزىنگەن جوق.
"ءبىز ەۋروپادان الدىرعان ساپالى قاعازدى پايدالانىپ سومكە شىعارامىز. ءوندىرىستى توقتاتۋعا بولمايدى، ويتكەنى ءبىزدىڭ ءونىم وزبەكستان مەن قىرعىزستانعا دا قاجەت. سونىمەن قاتار ءبىزدىڭ بارلىق قىزمەتكەرلەرىمىزدىڭ وتباسى بار، سوندىقتان ولار ۆاكسيناعا سانالى تۇردە كەلدى. بۇل - الدىمەن دەنساۋلىقتى ساقتاۋ. مەن ءساۋىر ايىندا ۆاكسينا الدىم، كەيىنىرەك جۇمىسشىلارعا ۇسىندىم. "دارحان" شاعىن اۋدانىنداعى ەمحاناعا ءوتىنىم بەرىپ، مەديسينالىق بريگادا كەلىپ، جىگىتتەرگە ەكپە سالدى"، – دەدى ايدار قاسەنوۆ.
"الماپاق" - الماتى يندۋستريالدى ايماعىنداعى جۇمىسشىلار بريگاداسى ۆاكسينا العان العاشقى ونەركاسىپتىك كاسىپورىن ەمەس. ءساۋىر ايىندا "الماتى ەلەكتر قالقانى"، "حيۋنداي ترانس"، "كسم تەحنوۆيد" پەن "ماسلو-دەل "زاۋىتتارى ۇجىمدارىنىڭ جاپپاي ۆاكسيناسى ءوتتى.
ەسكە سالساق، 29 ماۋسىمداعى جاعداي بويىنشا الماتىدا 438 930 ادام ۆاكسينا الدى. وتكەن تاۋلىكتە 10 398 ادام ەكپە الدى. 60 جاستان جوعارى ۆاكسينا العان ادام سانى 74 656 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 208 ۆاكسينا پۋنكتتەرى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 256 ادام جۇمىلدىرىلعان 307 ەكپە بريگاداسى قىزمەت اتقارادى.