الماتىدا ۆاكسينا العان ستۋدەنتتەر كولساي مەن تۇرگەنگە جولداما الدى
كوروناۆيرۋسقا قارسى ەكپە العان قازاق ۇلتتىق اگرارلىق زەرتتەۋ ۋنيۆەرسيتەتىنىڭ باكالاۆريات، ماگيسترانت جانە دوكتورانت ستۋدەنتتەرى تۇرگەن جانە كولساي قورىقتارىن كورۋگە مۇمكىندىك الدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
بۇل تۋرالى ۋنيۆەرسيتەتتىڭ تاربيە جانە الەۋمەتتىك جۇمىس جونىندەگى پرورەكتورى جانار داۋرەنبايەۆا ايتتى. بۇل - «جاسىل» مارتەبەسى بار ستۋدەنتتەردىڭ ەكىنشى ساپارى. 15 تامىزدا ۋنيۆەرسيتەت جۇزدەگەن ستۋدەنتكە تۇركىستان قالاسىنا جولداما بەرگەن. ولار جاڭا كەرۋەن سارايدى كورىپ، تاريحي ورىندارعا ساياحات جاسادى.
«بىزدە ستۋدەنتتەردىڭ 90%-دان استامى تەگىن ءبىلىم الادى، سوندىقتان ءبىز ستۋدەنتتەردى وقۋعا جەڭىلدىك جاساپ ەمەس، كيەلى تۇركىستانعا بارۋدى ويلاستىرىپ، ولار ءۇشىن تيمبيلدينگ ۇيىمداستىرۋدى ۇيعاردىق. وسى سەنبىدە بالالار الماتى وبلىسىنىڭ باسقا دا قورىقتارىن ارالايدى»، - دەيدى جانار داۋرەنبايەۆا.
ونىڭ ايتۋىنشا، جوعارى وقۋ ورنىندا 7 608 ستۋدەنت وقيدى، ونىڭ 1 030-ى مەديسينالىق كورسەتكىش بويىنشا ۆاكسينا المادى. 18 جاسقا تولماعان 1016 ستۋدەنت بار.
«ولاردىڭ قولىندا دارىگەرلەر بەرگەن انىقتاما بولدى، بۇگىندە ولار كەزەكپەن ەگىلىپ جاتىر. ۋنيۆەرسيتەتتە 2 ەكپە پۋنكتى اشىلدى. ستۋدەنتتەرگە ۆاكسيناسيا ورنىنا بارۋدىڭ قاجەتى جوق، بۇل - وتە ىڭعايلى»، - دەپ اتاپ ءوتتى پرورەكتور.