كوروناۆيرۋسقا قارسى ۆاكسينا ادامدى اۋرۋدان تولىقتاي قورعاي المايدى، ءبىراق دەرتتى جەڭىلدەتەدى. بۇل تۋرالى الماتى قالاسىنىڭ جوعارى ساناتتى دارىگەرى، قوعامدىق دەنساۋلىق ساقتاۋ ماگيسترى ناتاليا راحالسكايا ايتتى، دەپ حابارلايدى almaty-akshamy.kz
ناتاليا نيكولايەۆنانىڭ ايتۋىنشا، ەرتە ۆاكسينالانعانداردا اۋرۋ الدەقايدا جەڭىل وتۋدە. مۇنداي ادامداردىڭ يممۋندىق جۇيەسى تەز ساۋىعادى.
«بىزدە بۇل ينفەكسياعا قارسى ۆاكسينانىڭ تيىمدىلىگى مەن قاۋىپسىزدىگى تۋرالى عىلىمي جانە كلينيكالىق دەرەكتەر جەتكىلىكتى. بۇل - اۋرۋدىڭ نەگىزگى اسپەكتىلەرى. اۋىرعان جانە ۆاكسينانىڭ تولىق كۋرسىنان وتكەن ادامدار كۆي-گە قارسى ەڭ جاقسى يممۋندىق قورعانىسقا يە ەكەندىگى تۋرالى ءقازىردىڭ وزىندە كوپ جازىلعان. قايتا اۋرۋعا شالدىعۋ ءقاۋپى، اسىرەسە، 60 جاستان اسقان ادامداردا بار، سونداي-اق يممۋندىق جۇيەنى السىرەتۋشى قاتار جۇرەتىن اۋرۋلارى بار ادامدار ءۇشىن وتە ماڭىزدى»،-دەپ جالعاستىردى ن. راحالسكايا.
ۆاكسينانىڭ ءوزى يممۋنيتەتتى تومەندەتپەيدى، كەرىسىنشە، ونى ىنتالاندىرادى. ۆاكسينالانباعان ءارى دەرت جۇقتىرعانداردىڭ COVID-19-عا قارسى ەكپە العاندارعا قاراعاندا حالدەرى اۋىر بولادى. ن. راحالسكايانىڭ ايتۋىنشا، كوروناۆيرۋسقا قارسى ۆاكسينا العانداردىڭ دەرتكە قارسىلىعى 98-99%-دى قۇرايدى.
ۆاكسينالاردىڭ پايداسى تۋرالى ايتا كەلە، دارىگەر شامامەن 40-50 جىل بۇرىن بۇكىل الەمدە ءورشىپ تۇرعان قىزىلشا، پوليوميەليت، ديفتەريا، كوكجوتەل جانە باسقالارى سياقتى ينفەكسيالاردى ەكپەنىڭ جويعانىن ايتتى.
«قازىرگى ۋاقىتتا جاقسى ۇيلەستىرىلگەن پروفيلاكتيكالىق، ەپيدەمياعا قارسى شارالاردىڭ جانە بالالار مەن ەرەسەك تۇرعىنداردى يممۋنداۋدىڭ ارقاسىندا ادامدار ءۇشىن قولايلى ەپيدەميالىق احۋال قالىپتاستى. وكىنىشكە وراي، ادامدار جۇقپالى اۋرۋلاردىڭ ءقاۋپىن تەز ۇمىتادى، سوندىقتان بۇگىنگى كۇنى ۆاكسينالارعا كۇمانمەن قارايدى»، - دەيدى ن. راحالسكايا.
الماتىلىق دارىگەر كوروناۆيرۋسقا قارسى ۆاكسينا الۋعا شاقىردى، ويتكەنى دەرتتى توقتاتۋدىڭ ءتيىمدى جولى – ەكپە سالدىرۋ.
ەسكە سالساق، بۇگىندە قالادا 771 مىڭنان استام ادام 1ء-شى كومپونەنتپەن ۆاكسينالاندى. جالپى، 60 جاستان اسقان ادامداردىڭ جالپى سانىنان 104 مىڭنان استامى ەگىلدى.
قالادا مەديسينالىق ۇيىمداردا، مەكتەپتەردە، مادەني-سپورتتىق نىسانداردا، بازارلار مەن سوسو-دا 160 ەكپە پۋنكتى بار. 1028 ادامنان تۇراتىن 237 ەكپە بريگاداسى جۇمىلدىرىلدى.