ۆاكسينا العانداردا كوروناۆيرۋس سىرقاتى قالاي جۇرەتىنى ايتىلدى

ۆيرۋس جۇقتىرعان ادامداردىڭ اۋىز قۋىسى مەن مۇرىنىندا ۆيرۋس كوپ بولادى

ۆاكسينا العان ادامداردا سىرقات اناعۇرلىم جەڭىل وتەدى. بۇل تۋرالى دات عالىمدارى – پروفەسسور، ۆيدورۆ قالاسىنىڭ جۇقپالى اۋرۋلار اۋرحاناسىنىڭ باس دارىگەرى توماس بەنفيلد پەن ورحۋس ۋنيۆەرسيتەتىنىڭ يممۋنولوگ پروفەسسورى رۋنە حارتمانن مالىمدەدى، دەپ حابارلايدى Almaty-akshamy.kz.

عالىمدار Danmarks Radio-نا بەرگەن سۇحباتىندا ۆاكسينا العان ادامداردا سىرقات قالاي جۇرەتىنىن ايتتى. ولار ۆاكسينا العان ادامدار دا ۆيرۋستىڭ جاڭا نۇسقاسىن جۇقتىرىپ الاتىنىن جەتكىزدى.

ولاردىڭ ايتۋىناشا، كوروناۆيرۋسقا قارسى ۆاكسينا العان ادامدار ۆيرۋس جۇقتىرعان كەزدە ولاردا باس اۋرۋى، تۇشكىرۋ، تاماعىنىڭ اۋرۋى مەن مۇرىننان سۋ اعۋ سياقتى بەلگىلەرى بولادى. كەيبىرىندە دەنە ىستىعى كوتەرىلىپ، ءيىس سەزۋ جوعالىپ كەتەدى ەكەن.

حارتمانن تۇسىندىرۋىنشە، ۆاكسينا العان داامدار اراسىندا دا سىرقات اۋىر جۇرەتىن كورىنەدى، تىپتەن ءولىم جاعدايىنا دەيىن اكەلەدى ەكەن. 

«ءقازىر سىرقاتتىڭ اۋىر ءتۇرىنىڭ كۇرت تومەندەگەنىن كورىپ وتىرمىز. بۇل دەگەنىمىز ادامدار اۋرۋحاعا بۇرىنعىداي كوپ تۇسپەيتىنىن بىلدىرەدى،-دەيدى ول. 

سونىمەن قاتار ول سىرقاتتىڭ ءوتۋ مەرزىمى ناقتى ۆاكسينانىڭ قۇرامى مەن ادام اعزاسىنا، ونىڭ جاسىنا بايلانىستى بولاتىنىن جەتكىزدى. ماماندار 70 جاستان اسقان ادامدار ۆاكسينا العان سوڭ التى اي وتكەندە ونىڭ كۇشى السىرەيتىنىن بايقاعان. سول ءۇشىن تاعى ۆاكسينا سالدىرعان دۇرىس دەيدى.

سونداي-اق ۆاكسينا العان ادامدار COVID-19-دى جۇقتىرعان كەزدە ونى وزگە ادامدارعا تاراتا بەرەدى، ونىڭ الدىن الۋ ءۇشىن پتر تەست تاپسىرىپ وتىرۋ قاجەت، دەپ ءتۇسىۋندىردى بەنفيلد. ونىڭ ايتۋىنشا، ۆيرۋس جۇقتىرعان ادامداردىڭ اۋىز قۋىسى مەن مۇرىنىندا ۆيرۋس كوپ بولادى، سوندىقتان ولار كوپ ادامعا جۇقتىرۋى مۇمكىن. 

بۇعان دەيىن گەرمانيا مەن بەلگيانىڭ مەديسينا قىزمەتكەرلەرى كوروناۆيرۋس ادامنىڭ مي جاسۋشالارىنا ءقاۋىپ توندىرمەيدى دەگەن توقتامعا كەلگەن ەدى. ولار كوروناۆيرۋس نەگىزىنەن تۇراقتى جاسۋشالار نىسانىن زاقىمدايتىنىن ايتقان. عالىمدار  COVID-19 ءيىس سەزىمىنە جاۋاپ بەرەتىن سەنسورلىق نەيرونداردى زاقىمدايتىنىن دالەلدەي المادى.