لاتين گرەممي» مۋزىكالىق جۇلدەسىنىڭ لاۋرەاتى قازا تاپتى
برازيليانىڭ تانىمال ءانشىسى ماريليا مەندوسا اۋە اپاتىنان كوز جۇمدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
26 جاستاعى ءارتىس مىنگەن شاعىن ۇشاق ەلدىڭ شىعىسىنداعى ميناس-جەرايس شتاتىندا قۇلاعان. ول وڭىرگە ءوزىنىڭ جەكە كونسەتىنە ۇشىپ بارا جاتقان ەكەن. اۋە كەمەسىندە انشىدەن بولەك اعاسى، پروديۋسەرى مەن ەكى ۇشقىش بولعان. ەشكىم ءتىرى قالعان جوق. اپاتتىڭ ناقتى سەبەبى ازىرگە بەلگىسىز.
ايتا كەتكەن ءجون، 2 جىل بۇرىن ماريليا مەندوسا بەدەلدى «لاتين گرەممي» مۋزىكالىق جۇلدەسىنىڭ لاۋرەاتى اتانعان ەدى.
