ەگدە جاستاعى ليتۆالىقتارعا ۆاكسينا العاندارى ءۇشىن تولەيدى
ەل پارلامەنتى ۆاكسينا سالدىرعان 75 جاستاعى جانە ودان اسقان زەينەتكەرلەرگە 100 ەۆرو كولەمىندە كومەك رەتىندە ءبىر رەتتىك تولەماقى بەرىلەتىن زاڭ جوباسىن قابىلدادى، دەپ حابارلايدى Almaty-akshamy.kz ەۆرونيۋس سايتىنا سىلتەمە جاساپ.
ەكىنشى ارەكەتتەن ماقۇلدانعان قۇجاتتى قولداۋ ءۇشىن 68 دەپۋتات ءوز ويىن ءبىلدىردى، ۇشەۋى قارسى داۋىس بەردى، جەتەۋى قالىس قالدى.
ليتۆانىڭ پرەمەر-مينيسترى ينگريدا شيمونيتە وسىعان قاتىستى ويىن بىلاي جەتكىزدى:
«سىزدەرگە وتە قاراپايىم ەتىپ تۇسىندىرەيىن - وسى ارقىلى تىم بولماعاندا، بىرنەشە ادامنىڭ ءومىرىن ساقتاۋ مۇمكىن بولسا، وندا مەن ادام رەتىندە باقىتتى بولار ەدىم»، - دەدى ول.
زاڭ جوباسىن بىردەن قابىلداۋ مۇمكىن بولمادى. سەبەبى وپپوزيسيا داۋىس بەرۋ ءۇشىن تىركەلمەدى. قۇجاتقا قاتىستى سىن ايتۋشىلار بۇل ارەكەتتەن پايدا از، ال قۇنى جوعارى بولماق دەپ ەسەپتەيدى.