سەگىز كۇننەن بەرى قايتىس بولعاندار سانى 900-دەن ازايار ەمەس
13 قازانداعى جاعداي بويىنشا، 984 ادام قايتىس بولعانى تىركەلگەن. ددسۇ دەرەگىنە سايكەس، سوڭعى 7 كۇندە كۆي-دەن ەلدە 6649 ادام قايتىس بولىپ، الەمدە ەكىنشى ورىنعا شىقتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
اقش-تا بۇل كورسەتكىش 9443 ادامدى كورسەتكەن. بيلىك جاعدايدى تۇراقتاندىرۋ ءۇشىن قوسىمشا شارالار قولدانىپ جاتىر. حالىقتى ۆاكسينالاۋ، سونىڭ ىشىندە ەگدە جاستاعى ادامدار مەن تاۋەكەل توبىنا جاتاتىن ادامدارعا ەكپە ەگۋ ءتيىمدى دەپ ەسەپتەيدى.
سونداي-اق، ماسكەۋ بيلىگى 10 مەكتەپتىڭ وقۋشىلارىنا تەگىن ەكسپرەسس-تەست جاساۋدى ەنگىزبەكشى. 1-11 سىنىپ وقۋشىلارى، مەكتەپكە دەيىنگى دايارلىق توبىنداعى بالالار ەكى اپتادا ءبىر رەت تەست تاپسىرماق. بۇل شارا قاشىقتان وقۋعا كەتەتىن سىنىپتار سانىن ازايتۋعا مۇمكىندىك بەرەدى دەپ كۇتىلۋدە.
رەسەيدە سوڭعى تاۋلىكتە 28717 ادام كوروناۆيرۋس جۇقتىرعان، ماسكەۋ، سانكت-پەتەربۋرگ جانە ماسكەۋ وبلىسى كوپ باستاپ تۇر – سايكەسىنشە 4 410، 4 470 جانە 1 898 ادام.