ۆاك نۇر-سۇلتان قالاسى بويىنشا ەپيدەميولوگيالىق احۋالدى قارادى
پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن دەنساۋلىق ساقتاۋ ءمينيسترى الەكسەي سويدىڭ قاتىسۋىمەن ق ر اۋماعىندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كوشپەلى وتىرىسى ءوتتى، وندا نۇر-سۇلتان قالاسى بويىنشا ەپيدەميولوگيالىق جاعداي قارالدى، دەپ حابارلادى Almaty-akshamy.kz دەنساۋلىق ساقتاۋ مينيسترلىگىنىڭ حابارىنا سىلتەمە جاساپ.
بۇگىنگى تاڭدا نۇر-سۇلتان قالاسىنداعى ەپيدەميولوگيالىق احۋال قولايسىز بولىپ قالا بەرۋدە: سوڭعى اپتادا كۆي-مەن سىرقاتتانۋشىلىقتىڭ ءوسۋى 43%ء-تى قۇرادى، توسەك-ورىن جۇكتەمەسىنىڭ ارتقاندىعى جانە ەمدەۋگە جاتقىزىلاتىن ناۋقاستار سانىنىڭ ۇلعايۋ تەندەنسياسى بايقالادى.
كەڭەستە دەنساۋلىق ساقتاۋ مينيسترلىگى باسشىلىعى تاراپىنان قالا ەمحانالارىندا ەپيدەمياعا قارسى رەجيمنىڭ بۇزىلعاندىعى، كۆي جۇقتىرعان ناۋقاستارعا مەديسينالىق كومەكتىڭ ۋاقىتىلى كورسەتىلمەيتىندىگى مەن ساپاسىزدىعى، سونداي-اق مونيتورينگتىك توپتار جۇمىسىنىڭ السىرەۋى، حالىقتى ۆاكسينالاۋ بويىنشا بەلسەندى جۇمىستىڭ جەتكىلىكسىزدىگى اتاپ ءوتىلدى. اعىمداعى جىلعى مامىر ايىندا ەلوردا بويىنشا حالىقتى كۆي-عا قارسى يممۋنداۋ كورسەتكىشى ءساۋىر ايىمەن سالىستىرعاندا 50% - كە تومەندەگەن.
بارلىق انىقتالعان كەمشىلىكتەر بويىنشا ەرالى توعجانوۆ نۇر-سۇلتان قالاسىنىڭ اكىمدىگىنە ءبىر اپتا ىشىندە ەپيدەميولوگيالىق احۋالدى تۇراقتاندىرۋ ءۇشىن ولاردى جويۋ بويىنشا تۇبەگەيلى شارالار قابىلداۋدى تاپسىردى. بۇل ماسەلە ۆاك-تىڭ تۇراقتى باقىلاۋىندا بولادى.
