ۆاينەرلەر مەملەكەتتىك ماراپاتقا يە بولدى

مەدال قازاقستاننىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن بەرىلگەن

قازاقستاندىق ۆاينەرلەر مەيىرجان تورەبايەۆ پەن دانا ەسەيەۆا «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەكەلىك مەدالىمەن ماراپاتتالدى، دەپ حابارلايدى Almaty-akshamy.kz aikyn.kz-كە سىلتەمە جاساپ.

ماراپاتى جايلى ۆاينەرلەر Instagram پاراقشاسىندا جازدى.

مەيىرجان تورەبايەۆتىڭ سوزىنشە، مەدال قازاقستاننىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن بەرىلگەن.

«كەشە اكىمدىكتەن قازاقستاننىڭ الەۋمەتتىك-ەكونوميكالىق دامۋى ءۇشىن بەرىلگەن سىيلىعىمدى الدىم. ەشتەن كەش جاقسى. مويىنداعانىڭىز ءۇشىن راحمەت»، – دەپ جازدى مەيىرجان تورەبايەۆ.

الەۋمەتتىك جەلىدەگىلەردىڭ كوبى ولاردى قۇتتىقتادى. كەيبىرى ۆاينەرلەردىڭ مەملەكەتتىك ماراپاتقا لايىق ەمەس ەكەنىن جازىپ جاتىر.

«ودان دا سول مەدالدى مۇعالىمدەرگە بەر قاجەت ەدى. سەبەبى ولاردىڭ قىزمەتى ۇلت ءۇشىن ماڭىزدى. ونىڭ ۇستىنە ۇستازداردىڭ مەملەكەتكە پايداسى دا كوپ»، – دەپ جازدى ءبىر وقىرمان.

«25 جىل ۇستازدىق ەتىپ كەلەمىن، بالالاردى بىلىمگە باۋليمىن. ءبىراق مەملەكەت ءبىر دە ءبىر ماراپات بەرگەن ەمەس»، – دەپ جازعان بوتا ەسىمدى قولدانۋشى.