بەيجىڭدە وتەتىن قىسقى وليمپيادا ويىندارىنا 60 سپورتشىمىز قاتىسادى
2022 جىلدىڭ باستى جاڭالىعى قىسقى وليمپيادا ويىندارى بەيجىڭدە 4-20 اقپان ارالىعىندا وتەدى. وعان ەلىمىزدىڭ سپورتشىلار 60 جولداما جەڭىپ الدى، دەپ حابارلايدى Almaty-akshamy.kz Baq.kz-كە سىلتەمە جاساپ.
مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ اقپاراتىنشا، اتلەتتەر جەتى سپورت ءتۇرى بويىنشا ب ا ق سىنايدى. ولار: شاڭعى سپورتى، شاڭعىمەن ترامپليننەن سەكىرۋ، شاڭعى قوسسايىسى، فريستايل (موگۋل، اكروباتيكا)، تاۋ شاڭعى سپورتى، شورت-ترەك، كونكيمەن جۇگىرۋ سپورتى.
سوڭعى ىرىكتەۋ جارىستارى وسى ايدا وتەدى. ال كۆوتا مەن جولداما ءبولۋ 16 قاڭتاردا اياقتالادى. وسىدان كەيىن وليمپيادا ويىندارىنا قاتىسۋ ءۇشىن قازاقستان رەسپۋبليكاسىنىڭ دەلەگاسياسى جاساقتالادى.
سونداي-اق ديماش قۇدايبەرگەن الەمنىڭ بىرنەشە ەلىنىڭ انشىلەرىمەن بىرلەسىپ قىسقى وليمپيادا ويىندارىنا مۋزىكالىق سىي ازىرلەپ جاتىر. بۇل تۋرالى ءانشى ءوزىنىڭ Instagram پاراقشاسىندا جازعان بولاتىن.
«ورتاق بولاشاق ءۇشىن بىرگە». بۇل ەندى قىسقى وليمپيادا جانە پاراليمپيادا ويىندارىنىڭ رەسمي ۇرانى عانا ەمەس، سونىمەن قوسا مۋزىكالىق ەستافەتا. جەلتوقساننىڭ باسىندا الەمنىڭ تۇكپىر-تۇكپىرىنەن ادامدار الداعى بەيجىڭ وليمپياداسىندا ءان ايتۋىمدى سۇرادى. سونىڭ ناتيجەسىندە ءتۇرلى ەل مەن قۇرلىقتان ونداعان ادامنىڭ داۋسىن بىرىكتىرگەن مۋزىكالىق حيت پايدا بولدى»، – دەپ جازدى ديماش قۇدايبەرگەن.