ويىنداردىڭ اشىلۋ سالتاناتى 8 قىركۇيەك كۇنى «استانا-ارەنا» ستاديونىندا وتەدى.
بيلەت قۇنى 15 000 تەڭگەدەن باستالىپ، 50 000 تەڭگەگە دەيىن بولادى، دەپ حابارلايدى aqshamnews.kz.
24.kz ارناسى تاراتقان اقپاراتقا ساي، كۇزگە سالىم وتەتىن الەمدىك ەتنوسپورتتىڭ باستى وقيعاسىنا 89 ەلدەن 2 مىڭنان اسا سپورتشى قاتىسادى. سپورت باعدارلاماسىنا 21 سپورت ءتۇرى كىرەدى. جارىستارعا ورتاشا بيلەت قۇنى 3600 تەڭگەنى قۇرايدى.
قازاق كۇرەسى، الىش جانە كوراش جاقسىلىق ۇشكەمپىروۆ اتىنداعى جەكپە-جەك سارايىندا وتەدى جانە بيلەتتەر 2500 تەڭگەدەن 7500 تەڭگە ارالىعىندا بولادى.
ال «الاۋ» مۇزايدىنىندا اسىق اتۋ، وردو، ماس-رەستلينگ، كۇراش، ارقان تارتۋ جانە اشىرتمالى ابا گۇرەشى بويىنشا جارىستار وتەدى. بيلەت قۇنى 1000-3000 تەڭگە ارالىعىندا.
كوكپار، كوك ءبورى جانە بايگە بويىنشا تارتىستى جارىستار «قازانات» يپپودرومىندا وتەدى. بيلەت قۇنى 2000-15000 تەڭگە كولەمىندە بولماق.
ەتنواۋىلدا جامبى اتۋ، تەڭگە ءىلۋ، اۋدارىسپاق، قۇسبەگىلىك، سونداي-اق الىپتار سايىسى جارىستارىن كورۋگە بولادى. اتالعان سپورت تۇرلەرى بويىنشا بيلەتتەر 1000تەڭگەدەن باستالىپ، 2000 تەڭگەگە دەيىن بولادى.
كورەرمەن كوزايىمىنا اينالعان ءداستۇرلى ساداق اتۋ سپورتى بويىنشا باسەكەلەر «ارعىماق» ات-سپورتتىق ساۋىقتىرۋ كەشەنىندە وتەدى. بيلەتتەر قۇنى 600 تەڭگەدەن باستالىپ، 3000 تەڭگەگە دەيىن بارادى.
ال ءداستۇرلى زياتكەرلىك ويىندار سانالعان توعىزقۇمالاق، مانگالا جانە وۆاري جارىستارى كورەرمەندەرسىز وتەدى.
ازاماتتاردىڭ جەكەلەگەن ساناتتارى ءۇشىن ءارتۇرلى جەڭىلدىكتەر قاراستىرىلعان. 50% جەڭىلدىك مەكتەپ وقۋشىلارى مەن زەينەتكەرلەر ءۇشىن قولجەتىمدى. ال 5 جاسقا دەيىنگى بالالار مەن I جانە II توپتاعى مۇگەدەكتەر بيلەتتەردى تەگىن الا الادى. بيلەت قۇنى كوشپەندىلەر ويىندارىنىڭ اشىلۋ سالتاناتى – 15000-50000 تەڭگە
قازاق كۇرەسى، الىش جانە كوراش – 2500-7500 تەڭگە
اسىق اتۋ، وردو، ماس-رەستلينگ، كۇراش، ارقان تارتۋ جانە اشىرتمالى ابا گۇرەشى – 1000-3000 تەڭگە
كوكپار، كوك ءبورى جانە بايگە – 2000-15000 تەڭگە
جامبى اتۋ، تەڭگە ءىلۋ، اۋدارىسپاق، قۇسبەگىلىك، الىپتار سايىسى – 1000-2000 تەڭگە
ءداستۇرلى ساداق اتۋ – 600-3000 تەڭگە
جەڭىلدىكتەر مەكتەپ وقۋشىلارى مەن زەينەتكەرلەرگە – 50% 5 جاسقا دەيىنگى بالالار مەن ءى جانە ءىى توپتاعى مۇگەدەكتەرگە – تەگىن