بۇگىن الماتى قالاسىندا «AMANAT» پارتياسىنىڭ قوعامدىق قابىلداۋ بولمەلەرى اراسىندا ۇزدىكتەردى انىقتاۋ ماقساتىندا ۇيىمداستىرىلعان «ۇزدىك قوعامدىق قابىلداۋ بولمەسى» ايماقتىق بايقاۋى ءوتتى.
بۇل بايقاۋ پارتيانىڭ قوعامدىق قابىلداۋ بولمەلەرىنىڭ جۇمىس ساپاسىن ارتتىرۋ، حالىقپەن ءتيىمدى بايلانىس ورناتۋ، قىزمەتكەرلەردىڭ كاسىبي بىلىكتىلىگىن جەتىلدىرۋ جانە ولاردىڭ بەلسەندىلىگىن ىنتالاندىرۋ ماقساتىندا ۇيىمداستىرىلدى.
كونكۋرسقا الماتى قالاسىنداعى بارلىق اۋداندىق فيليالدار قاتىسىپ، وزدەرىنىڭ اتقارعان جۇمىستارىن ۇسىندى. ءاربىر قوعامدىق قابىلداۋ بولمەسىنىڭ قىزمەتى جان-جاقتى باعالانىپ، ولاردىڭ تۇرعىندارمەن جۇمىس جۇرگىزۋ ساپاسى، ازاماتتاردىڭ وتىنىشتەرىن قاراستىرۋ تيىمدىلىگى، پروبلەمالاردى شەشۋ جولىنداعى ناتيجەلىلىگى ەسكەرىلدى.
بايقاۋ بارىسىندا ارنايى كوميسسيا ۇسىنىلعان جۇمىستاردى سارالاپ، ۇزدىكتەردى انىقتادى. ناتيجەسىندە، الاتاۋ اۋداندىق فيليالىنىڭ قوعامدىق قابىلداۋ بولمەسى ۇزدىك دەپ تانىلىپ، ءبىرىنشى ورىندى يەلەندى. بۇل فيليال ءوز قىزمەتىندە ازاماتتاردىڭ وتىنىشتەرىنە جەدەل جاۋاپ بەرۋىمەن، ءتيىمدى شەشىم قابىلداۋىمەن جانە تۇرعىنداردىڭ الەۋمەتتىك ماسەلەلەرىن شەشۋگە بەلسەندى اتسالىسۋىمەن ەرەكشەلەندى. وسى جەڭىسىنىڭ ارقاسىندا الاتاۋ اۋداندىق فيليالى رەسپۋبليكالىق دەڭگەيدە وتەتىن بايقاۋعا جولداما الدى.
بايقاۋ قورىتىندىسى بويىنشا جۇلدەلى ورىندارعا يە بولعاندار:
• ناۋرىزباي اۋداندىق فيليالى – ەكىنشى ورىن
• بوستاندىق اۋداندىق فيليالى – ءۇشىنشى ورىن
• مەدەۋ اۋداندىق فيليالى – ۇلگىلى جۇمىسى ءۇشىن ىنتالاندىرۋ ماراپاتىنا يە بولدى
جەڭىمپازدار ارنايى ماراپاتتالىپ، ولاردىڭ ەڭبەگى لايىقتى باعالاندى. بايقاۋ بارىسىندا قاتىسۋشىلار حالىقپەن جۇمىس ىستەۋدەگى تاجىريبەلەرىمەن ءبولىسىپ، ءوزارا پىكىر الماسۋ مۇمكىندىگىنە يە بولدى.
«AMANAT» پارتياسىنىڭ قوعامدىق قابىلداۋ بولمەلەرى ازاماتتاردىڭ مۇڭ-مۇقتاجىن تىڭداپ، ولاردىڭ ماسەلەلەرىن شەشۋگە ىقپال ەتەتىن ماڭىزدى الاڭ بولىپ تابىلادى. بۇل بايقاۋ قوعامدىق قابىلداۋ بولمەلەرىنىڭ قىزمەتىن ودان ءارى جەتىلدىرۋگە، ولاردىڭ جۇمىس ساپاسىن ارتتىرۋعا جانە حالىقپەن تىعىز قارىم-قاتىناس ورناتۋعا سەرپىن بەرمەك.