الماتى قالالىق پد-دا ەرلىك ساباعىنا قالانىڭ ون جالپى ءبىلىم بەرەتىن مەكتەبىنىڭ “جاس ساقشى” پوليسيا سىنىپتارىنىڭ وقۋشىلارى شاقىرىلدى.
كەزدەسۋدىڭ تاقىرىبى: “اۋعاننىڭ وتتى جىلدارى”. وعان سونداي-اق گەنەرالدار كەڭەسى، اۋعان سوعىسى ارداگەرلەرىنىڭ قىزمەتىن ۇيلەستىرۋ كەڭەسىنىڭ وكىلدەرى، ءىىو ارداگەرلەرى جانە ت.ب.قاتىستى، دەپ حابارلايدى aqshamnews.kz.
– ماقسات – جاس بۋىن پوليسيا قاتىسۋشىلارىن اعا ارداگەرلەرمەن تانىستىرۋ، قازاقستان پوليسياسىنىڭ ءيميدجىن كوتەرۋ، ەرلىك پەن باتىلدىققا، وتانعا دەگەن سۇيىسپەنشىلىك پەن پاتريوتتىق رۋحتى تاربيەلەۋ. سونىمەن قاتار، جاستار اراسىندا مەيىرىمدىلىك پەن ءوزارا قولداۋ كورسەتۋ مادەنيەتىن، الەۋمەتتىك بايلانىستاردى، سونداي-اق اينالاداعى ازاماتتارعا قامقورلىق پەن كومەك كورسەتۋدى ناسيحاتتاۋ، - دەدى قازاقستان رەسپۋبليكاسى گەنەرالدار كەڭەسى رەسپۋبليكالىق قوعامدىق بىرلەستىگىنىڭ ءتوراعاسى بەكسۇلتان سارسەكوۆ.
ەرلىك ساباعىندا ارداگەرلەر وقۋشىلارعا مەيىرىمدىلىك پەن جاناشىرلىقتىڭ، يگى ىستەر جاساۋدىڭ، بىر-بىرىنە كومەكتەسۋدىڭ ماڭىزدىلىعىن ايتىپ بەردى. قاتىسۋشىلار جانقيارلىق ەڭبەك كورسەتكەن ارداگەرلەردىڭ ەستەلىكتەرىن زور ىقىلاسپەن تىڭدادى. شارا بارىسىندا مەكتەپ ىشىندە قۇقىق بۇزۋشىلىقتىڭ الدىن الۋعا باعىتتالعان ءىس-شارالارعا بەلسەنە قاتىسىپ، پوليسياعا كومەك كورسەتكەن “جاس ساقشى” ۆزۆودىنىڭ كومانديرلەرى العىس حاتتارمەن ماراپاتتالدى.