«ۇزدىك پەداگوگ» بايقاۋىنا قاتىسۋعا ءوتىنىم قابىلداۋ باستالدى

بايقاۋعا كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر قاتىسا الادى.

وقۋ-اعارتۋ مينيسترلىگى «ۇزدىك پەداگوگ» بايقاۋىنا قاتىسۋعا ءوتىنىم قابىلداۋ باستالعانىن مالىمدەدى، دەپ حابارلايدى Almaty-akshamy.kz. بايقاۋعا قاتىسۋى ءۇشىن «ۇزدىك پەداگوگ» سايتىندا تىركەلۋ قاجەت. بايقاۋعا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ شتاتتاعى پەداگوگتەرى قاتىسا الادى. بيىل سيفرلاندىرۋ باعىتىندا ۇلكەن جۇمىس اتقارىلدى. بايقاۋدىڭ بارلىق كەزەڭى، ناقتىراق ايتقاندا، قاتىسۋشىلاردى تىركەۋدەن باستاپ رەسپۋبليكالىق كەزەڭنىڭ قورىتىندىسىن شىعارۋعا دەيىن تولىعىمەن سيفرلاندىرىلعان، -دەپ جازدى informburo.kz. جەڭىمپازدارعا 3 ملن تەڭگە كولەمىندە سىياقى بەرىلەدى. 
ەسكە سالايىق، بيىلدان باستاپ بايقاۋعا جەكەمەنشىك مەكتەپ پەداگوگتەرى دە قاتىسا الادى.
بايقاۋ ءۇش كەزەڭنەن تۇرادى:

I كەزەڭ – اۋداندىق، قالالىق دەڭگەي؛
II كەزەڭ – وبلىستىق دەڭگەي؛
III كەزەڭ – رەسپۋبليكالىق دەڭگەي.

ەكى بايقاۋدىڭ قورىتىندىسى بويىنشا ەڭ جوعارى بالل جيناعان مۇعالىمدەر رەسپۋبليكالىق دەڭگەيگە وتەدى. رەسپۋبليكالىق «ۇزدىك پەداگوگ» بايقاۋى 2012 جىلدان بەرى وتكىزىلىپ كەلەدى. 
بايقاۋدىڭ وزگە شارتتارىمەن وسى جەردەن تانىسا الاسىزدار.