سونداي-اق، بيىلدان باستاپ بايقاۋدى وتكىزۋ مەرزىمى دە وزگەرەدى.
وقۋ-اعارتۋ مينيسترلىگى «ۇزدىك پەداگوگ» اتاعىن بەرۋ قاعيدالارىنا وزگەرىستەر ەنگىزىپ، اتالعان بايقاۋعا جەكەمەنشىك مەكتەپ پەداگوگتەرىن دە قاتىستىرۋدى جوسپارلاپ وتىر. بۇل تۋرالى اشىق نقا پورتالىندا جاريالانعان قۇجات جوباسىنان بەلگىلى بولدى اlmaty-akshamy.kz.
وسى «ۇزدىك پەداگوگ» اتاعىن بەرۋ قاعيدالارى وتكىزىلگەن كونكۋرستىڭ قورىتىندىسى بويىنشا، مەنشىك نىسانىنا جانە ۆەدومستۆولىق باعىنىستىلىعىنا قاراماستان، ءبىلىم بەرۋ ۇيىمدارىنىڭ پەداگوگتەرىنە «ۇزدىك پەداگوگ» اتاعىن بەرۋ ءتارتىبىن ايقىندايدى، - دەلىنگەن قۇجات جوباسىندا.
سونداي-اق، 25 قازان – رەسپۋبليكا كۇنى جانە 5 قازان – ءمۇعالىم كۇنى بولىپ بەكىتىلۋىنە بايلانىستى «ۇزدىك پەداگوگ» بايقاۋىن وتكىزۋ مەرزىمى دە وزگەرىسكە ۇشىرايدى. اتاپ ايتقاندا، بۇرىن بايقاۋدىڭ ءبىرىنشى جانە ەكىنشى كەزەڭدەرى قىركۇيەك پەن قازان ايلارىندا وتكىزىلەتىن بولسا، ەندى داتا سايكەسىنشە مامىر جانە تامىز ايلارىنا اۋىستىرىلادى.
ال جەڭىمپازدار انىقتالاتىن بايقاۋدىڭ قورىتىندى ءۇشىنشى كەزەڭى قىركۇيەك ايىنا بەلگىلەنگەن.
بايقاۋعا جەكەمەنشىك مەكتەپ مۇعالىمدەرىنىڭ دە قاتىساتىنىنا بايلانىستى بايقاۋدىڭ ءبىرىنشى كەزەڭىنەن ەكىنشىسىنە وتەتىن مۇعالىمدەر سانى 5-تەن 10-عا ارتپاق. بۇل رەتتە ۇمىتكەر ءبىرىنشى سىناقتا 100 بالدىڭ كەمىندە 80 بالىن جيناۋى ءتيىس.
بايقاۋدىڭ وزگە شارتتارىمەن وسى جەردەن تانىسا الاسىزدار.