الماتىدا ءوز جۇمىسىنا نەمقۇرايلى قارايتىن ءتارتىپ ساقشىلارى قالاي انىقتالادى؟

“Integrity Check” تەكسەرىسى نەنى كورسەتەدى؟

الماتى قالالىق پوليسيا دەپارتامەنتىنىڭ باسشىسى حالىق الدىنداعى ەسەپ بەرۋ كەزدەسۋىندە وسى جايىندا دا ءسوز قوزعادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«مەملەكەت باسشىسى 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن بەكىتتى، ونى جۇزەگە اسىرۋ ءۇشىن قۇقىق قورعاۋ ورگاندارىندا ادالدىقتى تەكسەرۋ مەحانيزمى نەمەسە “Integrity Check” ەنگىزىلدى. ىشكى ىستەر ءمينيسترىنىڭ نۇسقاۋىمەن ءىىم ورتالىق اپپاراتىنىڭ قىزمەتكەرلەرى ءبىزدىڭ الماتى پوليسياسىندا دا ادالدىققا، قارىم-قاتىناستاعى ادەپتىلىككە جانە ازاماتتاردىڭ وتىنىشتەرىنە جەدەل دەن قويۋعا تەكسەرۋ جۇرگىزدى. تاجىريبە كورسەتكەندەي، جۇمىستىڭ بۇل ءتۇرى جانە ازاماتتارمەن قارىم-قاتىناستا ەگجەي-تەگجەيگە نازار اۋدارۋ جەكە قۇرامدى تارتىپكە كەلتىرىپ قانا قويمايدى، سونىمەن قاتار پروفيلاكتيكالىق اسەر كورسەتەدى جانە قىزمەتكەرلەرىمىزدىڭ جاۋاپكەرشىلىگىن ارتتىرادى. ايتا كەتەيىن، ءيا، ءبىز “وتە جاقسى” دەگەن باعا المادىق، ءبىراق بۇل سىناقتان وتتىك. “كوش جۇرە تۇزەلەدى”، – دەمەكشى ءبىز ءۇشىن ەڭ وبەكتيۆتى باعا – بۇل قوعام بەرگەن باعا»، – دەدى، ارىستانعاني زاپپاروۆ.

سونداي-اق ول سيفرلاندىرۋ اياسىندا قالانىڭ اۋداندارى بويىنشا تالداۋ باعدارلاماسى ازىرلەنگەنىن، ول اۋماقتىق بولىمشەلەردىڭ ءاربىر باسشىسىنا قىلمىس دەڭگەيىن عانا ەمەس، سونىمەن قاتار قۇقىق قورعاۋ قىزمەتىنە قاتىساتىن ءاربىر ءپاترۋلدى