ەلىمىزدە ۇستازداردىڭ كاسىبي شەبەرلىگىن تانۋ جانە قولداۋ ماقساتىندا ءداستۇرلى «ۇزدىك پەداگوگ» رەسپۋبليكالىق بايقاۋى باستالدى. جەڭىمپازدارعا 1000 ايلىق ەسەپتىك كورسەتكىش كولەمىندە (شامامەن 3،9 ميلليون تەڭگە) مەملەكەتتىك سىياقى بەرىلەدى، دەپ حابارلايدى aqshamnews.kz
بايقاۋدا ءمۇعالىمنىڭ ءبىلىم بەرۋ سالاسىنا قوسقان ۇلەسى، قىزمەتىنىڭ تيىمدىلىگى جانە كاسىبي بىلىكتىلىگى باعالانادى. مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتەرى قاتىسا الادى.
بايقاۋ ءۇش كەزەڭنەن تۇرادى:
-
1-كەزەڭ – اۋداندىق/قالالىق دەڭگەي (8–25 شىلدە)؛
-
2-كەزەڭ – وبلىستىق دەڭگەي (28 شىلدە – 15 تامىز)؛
-
3-كەزەڭ – رەسپۋبليكالىق دەڭگەي (18 تامىز – 18 قىركۇيەك).
العاشقى ەكى كەزەڭدە ەڭ جوعارى ۇپاي جيناعان پەداگوگتەر فينالعا – رەسپۋبليكالىق كەزەڭگە وتەدى. بايقاۋعا قاتىسۋعا ءوتىنىم قابىلداۋ، قۇجاتتاردى تاپسىرۋ جانە باعالاۋ uzdikustaz-nobd.edu.kz ۆەب-پورتالىندا جۇزەگە اسىرىلادى.
«ۇزدىك پەداگوگ» بايقاۋى 2012 جىلدان بەرى وتكىزىلىپ كەلەدى. وسى ۋاقىتقا دەيىن 700-گە جۋىق پەداگوگ ۇزدىك دەپ تانىلدى. بايقاۋعا قاتىسۋ ءۇشىن ۇمىتكەردىڭ كەمىندە 5 جىل ۇزدىكسىز پەداگوگيكالىق ءوتىلى بولۋى شارت.
قوسىمشا اقپاراتتى ق ر وقۋ-اعارتۋ مينيسترلىگىنىڭ رەسمي سايتىنان الۋعا بولادى.