يۋنەسكو كلۋبتارىنىڭ فەدەراسياسى قازاقستان جاستارىنىڭ ۇزدىك ەكوباستامالارىنا 10 ميلليون سىيعا بەرەدى
20 ساۋىردە ساعات 11:00-دە «الماتىباسجوسپار» عيماراتىندا ( اباي كوش. 90) «تۇراقتى جول» ۇلتتىق الەۋمەتتىك ەكوناۋقانىن ىسكە قوسۋ تاقىرىبىندا بريفينگ وتەدى.
سوڭعى ءۇش جىلدا قازاقستاندىق ۇلتتىق يۋنەسكو كلۋبتارىنىڭ فەدەراسياسى «مەن قالدىرعان ەكو-ىز»، «تۇراقتىلىقتىڭ باستاۋى – ءوزىمىز» جانە «Green Step» اتتى 3 ەكوجوبانى ءساتتى جۇزەگە اسىردى.
الماتىنىڭ ىسكەر ايەلدەر قاۋىمداستىعىمەن بىرلەسىپ ىسكە اسىرىلاتىن «تۇراقتى جول» ەكوناۋقانى اياسىندا قازاقستان جاستارى وزدەرىنىڭ ەكوباستامالارى مەن ستارتاپتارىن تانىستىرا الادى، سونداي-اق 10 ميلليون تەڭگە كولەمىندە جۇلدە ۇتىپ الۋعا مۇمكىندىكتەرى بار. ەكوجوبانىڭ باس سەرىكتەسى – بانك سەنتركرەديت.
سونىمەن قاتار، باعدارلاما اياسىندا ەلىمىزدەگى بالالاردىڭ شىعارماشىلىق داعدىلارىن اشۋ، كاسىبىن جاڭادان باستاعان جانە جۇمىس ىستەپ جۇرگەن كاسىپكەرلەردىڭ ءوز بيزنەستەرىنە ESG كومپونەنتتەرىن ەنگىزۋ ارقىلى تۇراقتى دامۋعا قول جەتكىزەتىن ءبىرقاتار باسقا باستامالاردا قامتىلادى. الماتى قالاسى اكىمدىگىنىڭ قولداۋىمەن ەكولوگيالىق جاعدايدى جاقسارتۋ ماقساتىندا يۋنەسكو - ىلە-الاتاۋ ۇلتتىق پاركىنىڭ بيوسفەرالىق رەزەرۆاتىندا اعاش وتىرعىزۋ جانە سەنبىلىك وتكىزۋ جوسپارلانۋدا.