ششۋچينسك قالاسىندا «ۇزدىك دەنە شىنىقتىرۋ پەداگوگى – 2024» رەسپۋبليكالىق بايقاۋى باستالدى، دەپ حابارلايدى aqshamnews.kz.
بۇل تۋرالى وقۋ-اعارتۋ مينيسترلىگىنىڭ رەسمي سايتىندا حابارلانعان.
بايقاۋعا ەلىمىزدىڭ ءار وڭىرىنەن كەلگەن 19 دەنە شىنىقتىرۋ ءپانىنىڭ مۇعالىمدەرى قاتىسۋدا. بارلىعى اۋداندىق، وبلىستىق دەڭگەيدە ىرىكتەۋدەن وتكەن. پەداگوگيكالىق جۇمىس ءوتىلى كەمىندە 3 جىل.
بايقاۋدىڭ ماقساتى – دەنە شىنىقتىرۋ پەداگوگتەرىنىڭ شىعارماشىلىق باستاماسىن قولداۋ، كاسىبي وسۋگە جاردەمدەسۋ، وسى ماماندىق بويىنشا پەداگوگتەردىڭ ەڭبەگىنىڭ بەدەلىن ارتتىرۋ.
بايقاۋ ءۇش كەزەڭ بويىنشا وتكىزىلەدى:
I تۋر – «كرەاتيۆتى پەداگوگ»؛
II تۋر – «قازىرگى زامانعى دەنە شىنىقتىرۋ ساباعى»؛
III تۋر – «ۇزدىك سپورتتىق-بۇقارالىق ءىس-شارا».
ايتا كەتەيىك، بايقاۋدىڭ جۇلدە قورى 1،5 ملن تەڭگە. سونداي-اق، ارنايى نوميناسيالاردىڭ يەگەرلەرىنە 100 مىڭ تەڭگەگە اقشالاي سەرتيفيكاتتار تابىستالادى.