قۇرىلىس ىستەرى جانە تكش كوميتەتىندە قازاقستانداعى ۇزاق سوزىلعان قۇرىلىس ماسەلەلەرى تالقىلاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
«اشىق ساعات الاڭى» جوباسى اياسىندا ق ر ييدم ۆيسە-مينيسترى ەركەبۇلان داۋىلبايەۆتىڭ توراعالىعىمەن قۇرىلىس جانە تكش ىستەرى كوميتەتى قازاقستانداعى ۇزاقمەرزىمدى قۇرىلىس وبەكتىلەرى ماسەلەلەرى بويىنشا بيزنەس-قوعامداستىق وكىلدەرىمەن ونلاين-كەزدەسۋ وتكىزدى.
كەڭەس بارىسىندا ۆيسە-مينيستر الەۋمەتتىك جانە ينجەنەرلىك-كوممۋنيكاسيالىق ينفراقۇرىلىم قۇرىلىسى سالاسىنداعى بيۋدجەتتىك جوبالاردى ىسكە اسىرۋدى تالداۋ ناتيجەلەرى بويىنشا ۇزاق قۇرىلىستىڭ نەگىزگى سەبەبى ۋاقىتىلى قارجىلاندىرۋدىڭ جەتىسپەۋى جانە بولماۋى بولىپ تابىلاتىنىن اتاپ ءوتتى.
جوسپارلاۋ جۇيەسىن قايتا قاراۋ جانە قۇرىلىس جوبالارىن ىسكە اسىرۋ ماقساتىندا ءبىرقاتار جۇيەلى شارالار قابىلدانىپ جاتىر.
وسىلايشا مينيسترلىك بولجامدى دەڭگەيدە سمەتالىق قۇننىڭ دۇرىس ەسەپتەلۋىن ايقىنداۋ ءۇشىن سمەتالىق قۇننىڭ نەگىزسىز ارتۋىنا جول بەرمەۋگە مۇمكىندىك بەرەتىن قۇرىلىس ءۇشىن قۇن يندەكستەرىن بەكىتتى.
سونىمەن قاتار، ۆەدومستۆو قارجى مينيسترلىگىنە ءبىرقاتار تۇزەتۋلەر ۇسىندى، اتاپ ايتقاندا:
- كونكۋرستار جاريالانعانعا دەيىن جوبالاردى قارجىلاندىرۋ قامتاماسىز ەتىلگەن كەزدە قۇرىلىستىڭ نورماتيۆتىك ۇزاقتىعىمەن جسق-دا كوزدەلگەن مەرزىمدەر مەن سومادا كونكۋرس وتكىزۋ
- قارجىلاندىرۋمەن قامتاماسىز ەتىلمەگەن ىسكە اسپاعان جوبالار بولعان كەزدە قۇرىلىستىڭ جاڭا جوبالارىن ىسكە اسىرۋعا ءوتىنىم قاراۋعا تىيىم سالۋدى بەلگىلەۋ
- مەملەكەتتىك ساتىپ الۋ پورتالىندا كونكۋرس جاريالاۋعا تىيىم سالۋدى بەلگىلەۋ.
بۇگىنگى تاڭدا مينيسترلىك «ساقالدى» قۇرىلىستىڭ 154 جوباسىن ەرەكشە باقىلاۋعا الدى، ونىڭ 59 - ينفراقۇرىلىمدىق وبەكتى، 55 - الەۋمەتتىك وبەكتى، 40 - عيماراتتار مەن قۇرىلىستار.
سونىمەن قاتار، كەڭەسكە قاتىسۋشىلار ۇزاق قۇرىلىستىڭ ءاربىر وبەكتىسى بويىنشا قۇرىلىستىڭ نەگىزگى كەزەڭدەرىن كورسەتە وتىرىپ، اياقتاۋ جانە پايدالانۋعا بەرۋ ءۇشىن جول كارتاسى بەكىتىلگەنىن اتاپ ءوتتى.