ءبىرىنشى كرەديتتىك بيۋرونىڭ مالىمەتىنشە، 2024 جىلدىڭ باسىندا قازاقستاندا 100 جاستان اسقان 702 ادام ءومىر ءسۇردى. بۇل كورسەتكىش وتكەن جىلمەن سالىستىرعاندا 40%-عا وسكەن.
100 جاستان اسقان قازاقستاندىقتاردىڭ سانى ەكىنشى جىل قاتارىنان وسۋدە. دەگەنمەن، بۇل ستاتيستيكاعا 2022 جىلى ۇزاق ءومىر سۇرەتىندەر سانىنىڭ كۇرت تومەندەۋى اسەر ەتتى. سول جىلى 100 جاستان اسقان قازاقستاندىقتار سانى 2،7 مىڭنان 315 ادامعا دەيىن قىسقارعان ەدى.
قىزىقتى ستاتيستيكا: ءاربىر 100 جاسقا جەتكەن ەر ادامعا ءتورت ايەل ادامنان كەلەدى. ۇزاق جاساۋشىلاردىڭ باسىم بولىگى قالالاردا تۇرادى، ولاردىڭ ەڭ كوپ شوعىرلانعان ءوڭىرى – الماتى. ەكىنشى ورىندا تۇركىستان وبلىسى، ال ءۇشىنشى ورىندا قوستاناي وبلىسى ورنالاسقان.
ءبىرىنشى كرەديتتىك بيۋرونىڭ ايتۋىنشا، قازاقستاندىقتار جالپى العاندا جاس ۇلت بولىپ قالا بەرەدى. ەلدەگى تۇرعىنداردىڭ ورتاشا جاسى 32،3 جىلدى قۇرايدى. دەگەنمەن، حالىق بىرتىندەپ قارتايۋدا: سوڭعى بەس جىلدا ورتاشا جاس جارتى جىلعا ارتتى، ال جۇمىسقا قابىلەتتى جاستان اسقان تۇرعىندار ۇلەسى 7،5%-دان 8،8%-عا ءوستى.