22 قازاننان باستاپ كەزەكشى ارنايى حالىققا قىزمەت كورسەتۋ ورتالىقتارىنىڭ (حقكو) جۇمىس ۋاقىتى ۇزارتىلدى.
«ازاماتتارعا ارنالعان ۇكىمەت» مەملەكەتتىك كورپوراسياسىنىڭ مالىمەتىنشە، ەندى كەزەكشى ارنايى حقكو-لار دۇيسەنبىدەن جۇماعا دەيىن 09:00-دەن 20:00-گە دەيىن، ال سەنبى كۇندەرى 09:00-دەن 13:00-گە دەيىن جۇمىس ىستەيدى. قالعان حقكو-لار بۇرىنعى كەستە بويىنشا — 09:00-دەن 18:00-گە دەيىن قىزمەت كورسەتۋدى جالعاستىرادى.
«بۇل وزگەرىستەر ازاماتتار ءۇشىن مەملەكەتتىك قىزمەتتەردىڭ قولجەتىمدىلىگىن ارتتىرۋ ماقساتىندا ەنگىزىلدى. كولىك قۇرالدارىن تىركەۋ جانە ەسەپكە الۋ قىزمەتتەرى 18:00-گە دەيىن، ال قۇجاتتاردى بەرۋ قىزمەتى 20:00-گە دەيىن جۇزەگە اسىرىلادى»، — دەپ حابارلادى مەملەكەتتىك كورپوراسيا.
كەزەكشى حقكو جانە ارنايى حقكو-لاردىڭ اعىمداعى تىزىمىمەن وسى جەردەن تانىسۋعا بولادى.