تۋرنيرگە بارلىعى 120-دان استام سپورتشىدان تۇراتىن 41 كوماندا قاتىستى
تۋرنير استاناداعى «الاۋ» مۇز ايدىنى سارايىندا XIII سپارتاكيادا اياسىندا قورعانىس مينيسترلىگى ورتالىق اپپاراتىنىڭ، باس شتابتىڭ جانە قازاقستان قارۋلى كۇشتەرىنىڭ قۇرىلىمدىق بولىمشەلەرى اراسىندا ءوتتى. ونى قورعانىس مينيسترلىگىنىڭ ورتالىق سپورت كلۋبى ۇيىمداستىرىپ وتىر، دەپ حابارلايدى Almaty-akshamy.kz.
تۋرنير بارىسىندا قورعانىس ءمينيسترىنىڭ ورىنباسارى دارحان احمەدييەۆ پەن بوكستان وليمپيادا چەمپيونى سەرىك ساپييەۆتىڭ اراسىنداعى ويىن كورەرمەن نازارىن اۋداردى.
جارىستىڭ قۇرمەتتى قوناعى سەرىك ساپييەۆ قورعانىس مينيسترلىگىنىڭ سپورتتى دامىتىپ جاتقانىنا ريزاشىلىعىن جەتكىزدى.
تۋرنيرگە بارلىعى 120-دان استام سپورتشىدان تۇراتىن 41 كوماندا قاتىستى. مانداتتىق كوميسسيانىڭ شەشىمىمەن جارىسقا قاتىسۋعا ءوتىنىش بەرگەن كوماندالار ەكى توپقا ءبولىندى.
ءبىرىنشى توپتاعى چەمپيونات كۋبوگىن قورعانىس مينيسترلىگىنىڭ تاربيە جانە يدەولوگيالىق جۇمىستار دەپارتامەنتىنىڭ كومانداسى، ەكىنشى ورىندى مەملەكەتتىك اسكەري-تاريحي مۇراجاي، ءۇشىنشى ورىندى زاڭ دەپارتامەنتى جەڭىپ الدى. ەكىنشى توپتا ۇلتتىق قورعانىس ۋنيۆەرسيتەتىنىڭ كومانداسى جەڭىسكە جەتسە، ەكىنشى ورىندى ەلوردالىق اۆياسيالىق بازا قانجىعالادى. جۇلدەلى ءۇشىنشى ورىن قارۋلى كۇشتەردىڭ ۇلتتىق اسكەري-پاتريوتتىق ورتالىعىنىڭ ەنشىسىندە.
تۋرنير بارىسىندا زاڭ دەپارتامەنتىنىڭ وكىلى، قارۋلى كۇشتەردىڭ قىزمەتكەرى بولات نۇرماعانبەتوۆ پەن ۇلتتىق قورعانىس ۋنيۆەرسيتەتىنىڭ PhD دوكتورى، پودپولكوۆنيك امانگۇل الدابەرگەنوۆا «ۇزدىك تەحنيكاسى ءۇشىن» نوميناسياسىن جەڭىپ الدى. زاڭ دەپارتامەنتىنىڭ كىشى سەرجانتى ارداقتى احمەتجانوۆانىڭ تاباندىلىعى «جەڭىسكە دەگەن ەرىك-جىگەرى ءۇشىن» نوميناسياسىن باعىندىردى. بۇل ماراپاتقا اسكەري ينفراقۇرىلىم باس باسقارماسىنىڭ كومانداسى دا يە بولدى.
چەمپيونات جەڭىمپازدارى مەن جۇلدەگەرلەرى كۋبوكتارمەن، مەدالدارمەن جانە گراموتالارمەن ماراپاتتالدى.