لاڭكەستىك جانە ەكسترەميستىك قىلمىستار جاساعانى ءۇشىن 56 ادام سوتتالدى
ق ر ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆ مەملەكەت باسشىسىمەن كەزدەسۋى بارىسىندا ەلىمىزدە ءۇش تەررورلىق اكتىگە دايىندىق كەزەڭىندە توسقاۋىل قويىلعانىن ءمالىم ەتتى، دەپ حابارلايدى Almaty-akshamy.kz.
مەملەكەت باسشىسىنا كوميتەتتىڭ 2022 جىلى اتقارعان جۇمىستارى تۋرالى ەسەپ بەرگەن ەرمەك ساعىمبايەۆتىڭ سوزىنشە، بىلتىر ارناۋلى قىزمەتتى رەفورمالاۋ جانە ونىڭ جۇمىسىن جانداندىرۋ جونىندەگى پرەزيدەنت تاپسىرماسى ورىندالدى.
اتاپ ايتقاندا، تەرروريستىك قاتەرلەردى ازايتۋ ءۇشىن الدىن الۋ جۇمىستارى جۇرگىزىلدى. ءۇش تەررورلىق اكتىگە دايىندىق كەزەڭىندە توسقاۋىل قويىلدى. كەزەكتەن تىس پرەزيدەنتتىك سايلاۋ كەزىندە جاپپاي تارتىپسىزدىكتى جوسپارلاعان راديكالدى توپ جويىلدى.
«لاڭكەستىك جانە ەكسترەميستىك قىلمىستار جاساعانى ءۇشىن 56 ادام سوتتالدى. تەرروريزم مەن ءدىني ەكسترەميزمگە قاتىسى بار 134 شەتەل ازاماتىنىڭ ەلگە كىرۋ ارەكەتىنىڭ جولى كەسىلدى»،-دەدى ەرمەك ساعىمبايەۆ.
وسىعان دەيىن مەملەكەت باسشىسىنىڭ ۇتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆتى قابىلداعانىن جازدىق.