تۇركىستان وبلىسىندا مەكتەپتەگى مۇعالىمدەر وقۋشىلاردىڭ كوزىنشە جاعا جىرتىسپاق بولدى.
ۇستازدار اراسىنداعى جانجال ماقتاارال اۋدانىنداعى ءبىلىم وشاعىندا ورىن العان، دەپ حابارلايدى اlmaty-akshamy.kz ينفورمبيۋرو باعدارلاماسىنا سىلتەمە جاساپ.
جەلىدە تاراعان ۆيدەودا مۇعالىمدەر اراسىنداعى داۋ-دامايدىڭ ۇل-قىزداردىڭ ساباققا ۇلتتىق كيىم كيىپ كەلگەنىنەن باستالعانى ايتىلعان.
پەداگوگتەر ءوز ارالارىنداعى تۇسىنىسپەۋشىلىكتى وسىلايشا شاكىرتتەرىنىڭ الدىندا شەشپەك بولعان. ماسەلەنى وقۋشىلار الدىندا ايتقان مۇعالىمدەر سوڭىندا ءبىرىن ءبىرى جەلكەلەۋگە كوشكەن.
كادرلاردان پەداگوگتاردىڭ توبەلەسۋدەن تايىنباي تۇرعانىن بايقاۋعا بولادى. ۆيدەودا ۇستازداردىڭ ءبىرى وقۋشىلاردىڭ ۇلتتىق كيىممەن وتىرۋىنا قارسى بولدى دەپ وزگە ارىپتەسىن كىنالايدى. اتالعان جاعدايعا قاتىستى تۇركىستان وبلىسىنىڭ ءبىلىم باسقارماسى كوميسسيا قۇرىپ، تەكسەرىستى باستادى. ازىرگە ءبىلىم وشاعىنداعى داۋعا ناقتى نە سەبەپ جانە وقيعانى قاشان بولعانى بەلگىسىز.
قازىرگى تاڭدا جان-جاقتى زەردەلەۋ ءۇشىن تۇركىستان وبلىسىنىڭ ءبىلىم باسقارماسى مەن ءبىلىم ساپاسىن قامتاماسىز ەتۋ دەپارتامەنت وكىلدەرىنەن تۇراتىن ارنايى كوميسسيا قۇرىلدى. تەكسەرۋ ناتيجەلەرى بويىنشا ق ر قولدانىستاعى زاڭناماسى اياسىندا ءتيىستى شارالار قابىلدانادى. مەكتەپ وقۋشىسىنا پسيحولوگتار كومەگى كورسەتىلدى، – دەدى تۇركىستان وبلىسى ءبىلىم باسقارماسى باسشىسىنىڭ ورىنباسارى ايگۇل قاسىمبەكوۆا.