ۇشقىشسىز باسقارىلاتىن اپپارات ەلىمىزدە العاش رەت كوككە كوتەرىلدى

 ۇشقىشسىز باسقارىلاتىن اپپارات«Skylark 1-LEX» دەپ اتالادى. 

 العاشقى سىناق اقتوبەدەگى تالعات بيگەلدينوۆ اتىنداعى اۋە-قورعانىس كۇشتەرى ينستيتۋتىنىڭ اۋە ايلاعىندا جاسالدى، دەپ حابارلايدى Almaty-akshamy.kz.

قوندىرعى اسكەري ماقساتتا قولدانىلادى. ياعني، ورتالىقتى كۇندىز دە، تۇندە دە ناقتى ۋاقىت رەجيمىندە بارلاۋ دەرەكتەرىمەن قامتاماسىز ەتۋگە ارنالعان. كۋرسانتتار جاڭا تەحنيكانىڭ مۇمكىندىكتەرىن ەكى جىل بويى زەرتتەپ، باسقارۋدى مەڭگەردى. ۇشۋ اپپاراتى قاناتىن جايعاندا 3 مەتر بولادى. سالماعى 8 كيلوگرامم شاماسىندا. ال جىلدامدىعى ساعاتىنا 90 كيلومەترگە دەيىن جەتەدى. 3 ساعات بويى ۇزدىكسىز جۇمىس ىستەۋگە قاۋقارلى. ءقازىر بۇل اپپارات الەمنىڭ ونداعان ەلىنىڭ قورعانىس جۇيەسىندە قولدانىلادى.

«ەڭ العاشقى ماقساتتارىنىڭ ءبىرى – بارلاۋ. بارلىق تاكتيكالىق، ءىس جۇزىندە بارلاپ، اسكەري نىساننىڭ، تەحنيكانىڭ بارلىعىن كورسەتۋگە ارنالعان. ۇشۋ بيىكتىگى 500 مەتردەن 1 200 مەتر ارالىعىندا. ونىڭ ۇشۋ ۋاقىتى 180 مينۋتقا دەيىن»، - دەيدى اۋە قورعانىس ناۆيگاسياسى جانە اۆياسيا باسقارۋ زەرتحاناسىنىڭ باستىعى نۇرلىبەك سەيىتوۆ.