تبيليسي-الماتى باعىتىنداعى اۋە رەيسى ۇشىپ كەلگەننەن كەيىن اۋەجايداعى جەلىلىك پوليسيا ءبولىمىنىڭ قىزمەتكەرلەرى ۇشاق جانىندا تەمەكى شەككەن شەتەلدىك جولاۋشىنى انىقتادى.
بۇعان قازاقستان زاڭناماسىمەن تىيىم سالىنعان.
تەكسەرۋ بارىسىندا جۇڭگو حالىق رەسپۋبليكاسىنىڭ 24 جاستاعى ازاماتى انىقتالدى. قۇقىق بۇزۋشى بەلگىلەنبەگەن ورىنداردا تەمەكى بۇيىمدارىن تۇتىنۋعا تىيىم سالۋدى بۇزعانى ءۇشىن جاۋاپكەرشىلىككە تارتىلىپ، وعان 15 اەك (55 380 تەڭگە) مولشەرىندە ايىپپۇل سالىندى.
ەستەرىڭىزگە سالا كەتەيىك، جىل باسىنان بەرى ەلىمىزدىڭ كولىك پوليسەيلەرى ءارتۇرلى اكىمشىلىك قۇقىق بۇزۋشىلىقتار جاساعانى ءۇشىن 32 مىڭنان استام قۇقىق بۇزۋشى جاۋاپكەرشىلىككە تارتىلدى، ونىڭ ىشىندە بەلگىلەنبەگەن جەرلەردە تەمەكى شەككەنى ءۇشىن 1021 ازامات جاۋاپقا تارتىلدى.
اقپارات كوزى Polisia.kz سايتىندا: https://polisia.kz/almaty-auezhajynda-belgilenbegen-zherde-temeki-shekken-qytaj-azamatyna-ajyppul-salyndy/