ۇشاق اپاتىنان زارداپ شەككەندەردىڭ تۋىستارىنا قايدا حابارلاسۋ كەرەك

اقتاۋ ماڭىندا ۇشاق اپاتى بولعان جەرگە ءازىربايجاننىڭ قۇتقارۋشىلارى 
كەلدى، دەپ حابارلايدى aqshamnews.kz توتەنشە جاعدايلار مينيسترلىگىنىڭ
باسپا ءسوز قىزمەتىنە سىلتەمە جاساپ.

«ءبىز بارلىق قاجەتتى كومەك كورسەتەمىز... ولار مۇندا تانىستارى مەن دوستارى جوق شىعار. كوپشىلىگى شەتەلدىكتەر... ەگەر اقتاۋعا بارۋدى جوسپارلاساڭىز، تەلەفون ءنومىرىن جازىپ الىڭىز: +7 702 525 31 01. ءبىز سىزگە كەز كەلگەن ۋاقىتتا كومەكتەسەمىز. تەك ءوزىڭىز كىمنىڭ تۋىسى ەكەنىڭىزدى ايتىڭىز»، – دەدى ماڭعىستاۋ وبلىسىنىڭ اكىمى نۇرداۋلەت قيلىباي بريفينگ بارىسىندا.

باستى كولىك پروكۋرورى مالىمدەگەندەي، ۆەدومستۆوارالىق جەدەل-تەرگەۋ توبى قۇرىلدى.

«ءيا، تۋىستارى مايىتتەردى (انىقتاۋ مەن قاجەتتى تەرگەۋ ارەكەتتەرى جۇرگىزىلگەن سوڭ) الىپ كەتە الادى»، – دەپ اتاپ ءوتتى تيمۋر سۇلەيمەنوۆ.

كولىك ءمينيسترىنىڭ ورىنباسارى تالعات لاستايەۆ ۇشاق جەرگە سوعىلماس بۇرىن ەكى اينالىم جاساعانىن ايتتى:

«تۇرعىن ۇيلەرگە ءقاۋىپ تونگەن جوق. سەبەپتەرىن ءالى ناقتى ايتۋ قيىن. ءبىز بارلىق ساراپتامالاردى جۇرگىزىپ، ۇشاقتىڭ جازباسىن جانە باقىلاۋشىلاردى سۇراستىرىپ، ديسپەچەرلىك قىزمەتپەن جۇمىس ىستەگىمىز كەلەدى. اۋە اپاتتارىن تەرگەۋ كوميسسياسى وقيعا ورنىنا بارىپ، قاجەتتى ماتەريالداردى زەرتتەپ جاتىر».