وسى جىلدىڭ جەلتوقسان ايىنان باستاپ جولاۋشىلار اراسىندا سۇرانىسى جوعارى باعىتتار بويىنشا №101/102 «استانا–الماتى» جانە №111/112 «استانا–شىمكەنت» باعىتىنداعى قوسىمشا تالگو پويىزدارى قاتىناي باستايدى.
قوسىمشا پويىزدارعا بيلەتتەردى جولعا شىعۋعا 45 كۇن قالعاندا bilet.railways.kz سايتىنان نەمەسە ۆوكزالدارداعى «جولاۋشىلار تاسىمالى» اق كاسسالارىنان ساتىپ الۋعا بولادى. پويىزداردىڭ «پاكەتتىك» قوزعالىس كەستەسى «DB E&C» كومپانياسىمەن بىرلەسىپ جۇزەگە اسىرىلىپ جاتقان «ينتەرمودالدى تاسىمالدار – حاب جۇيەسى» جوباسى اياسىندا ەنگىزىلىپ جاتىر.
«ءبىز «جولاۋشىلار تاسىمالى» اق-مەن بىرلەسىپ، مارشرۋتتىق جەلىنى وڭتايلاندىرۋعا ارنالعان يننوۆاسيالىق شەشىمدەر ازىرلەۋدەمىز. بۇل جولاۋشىلارعا قىزمەت كورسەتۋ ساپاسىن جاقسارتىپ، قازاقستاننىڭ ءىرى قالالارى اراسىنداعى قوزعالىس جىلدامدىعىن ارتتىرۋعا مۇمكىندىك بەرەدى»، – دەدى «DB E&C» كومپانياسىنىڭ ينتەرمودالدى تاسىمالدار بويىنشا باس ديرەكتورى نيكولايس سيدوروۆس.
سونىمەن قاتار، جولاۋشىلارعا قولايلى جاعداي جاساۋ ماقساتىندا حاب ورتالىقتارىندا قالا ماڭىنا قاتىنايتىن جانە ارالاس كولىك تۇرلەرىنىڭ دامۋى اياسىندا جاڭا تەمىرجول مارشرۋتتىق جەلىسىن قۇرۋ مۇمكىندىگى دە قاراستىرىلۋدا.