قازاقستاندا ءۇش ۇيالى بايلانىس وپەراتورى تاريفتەر قىمباتتايتىنىن مالىمدەدى، دەپ حابارلايدى aqshamnews.kz
Altel كومپانياسى تاريفتىك جوسپارلاردىڭ باعالارىن قايتا قارايتىنىن مالىمدەدى. ولاردىڭ سوزىنشە، بۇل – ءماجبۇرلى شەشىم.
"سەبەبى جەلىلەردى دامىتۋ مەن جاڭعىرتۋعا، ولاردى كۇتىپ ۇستاۋعا كەتەتىن شىعىنداردىڭ ارتۋى، سونداي-اق سالىق زاڭناماسىنداعى وزگەرىستەر وسىنداي قادامعا الىپ كەلدى"، – دەلىنگەن كومپانيا حابارلاماسىندا.
كومپانيا ءتاريفتى بيىل 25 جەلتوقساننان باستاپ قىمباتتاتپاق. بۇل وزگەرىستەر Tele2 وپەراتورىنا دا قاتىستى.
سونىمەن قاتار، Beeline كومپانياسى 2026 جىلدىڭ 1 قاڭتارىنان باستاپ تاريفتەردى قىمباتتاتاتىنىن حابارلادى.