الماتى قالاسىندا جىل باسىنان بەرى 9 300-دەن استام قاراۋسىز قالعان جانۋار ۇستالدى، دەپ حابارلايدى aqshamnews.kz
بۇل جونىندە الماتىنىڭ كاسىپكەرلىك جانە ينۆەستيسيالار باسقارماسىنىڭ وكىلدەرى حابارلادى.
ۇرىقسىزداندىرىپ، ەكپە سالىنعان سوڭ 1 500 يت جانە 108 مىسىق ۇيرەنگەن جەرىنە قايتا جىبەرىلدى. ال 1 453 يت پەن 93 مىسىق يەسىنە قايتارىلعان.
قالادا مەملەكەتتىك ۆەتەرينارلىق-سانيتارلىق قىزمەت ماماندارىمەن بىرلەسكەن جوسپارلى جانە كوشپەلى تەكسەرىستەر، سونداي-اق تۇرعىنداردىڭ ءوتىنىشى بويىنشا جانۋارلاردى اسىراۋ جاعدايىنا قاتىستى باقىلاۋ جالعاسىپ جاتىر.
ەسكە سالا كەتەيىك، بيىل اقپان ايىنان باستاپ الماتىدا يەسىز جانۋارلارعا شۇعىل ۆەتەرينارلىق كومەك كورسەتۋ قىزمەتى جۇمىس ىستەپ كەلەدى. بۇل قىزمەت جول-كولىك وقيعاسىنان جاراقات الۋ، بيىكتەن قۇلاۋ، ۋلانۋ، قاۋىپ العاندا ينفەكسيا تاراۋ ءقاۋپى بار جاعدايدى جانە كوللاپس، جۇرەك-قانتامىر جەتكىلىكسىزدىگى، تىنىس الۋ بۇزىلىستارى سىندى كەنەتتەن پايدا بولاتىن اۋىر حالدە دەر ۋاقىتىندا كومەك كورسەتۋ ءۇشىن قۇرىلعان.
وسى ماقساتتا ەكى مامانداندىرىلعان بريگادا جاساقتالىپ، العاشقى كومەك كورسەتۋگە جانە شۇعىل دياگنوستيكا جۇرگىزۋگە قاجەتتى بارلىق قۇرال-جابدىقپەن قامتاماسىز ەتىلگەن. جاراقاتتانعان جانۋارلاردى تاسىمالداۋعا ارنالعان تورلار، زەمبىلدەر جانە قاجەتتى دارى-دارمەكتەرمەن جابدىقتالعان ەكى ارنايى اۆتوكولىك پايدالانىلادى. جەدەل ۆەتەرينارلىق كومەككە 8 708 595 64 04، 338 27 59 نومىرلەرى ارقىلى، سونداي-اق 109 – ءبىرىڭعاي قىزمەتىنە قوڭىراۋ شالۋعا بولادى.
الماتىدا ءۇي جانۋارلارىن تەگىن چيپتەۋ باعدارلاماسى دا قولعا الىنعان. ول بيىل 15 شىلدەدە باستالىپ، 2025 جىلى جەلتوقسانعا دەيىن جالعاسادى. چيپتەۋ جۇمىستارى ۆەتەرينارلىق كلينيكالاردا الدىن الا جازىلۋ ارقىلى جۇرگىزىلەدى، سونداي-اق ماماندار قالاىشىلىك اۋماقتاردى ارالاپ، ۇيدە دە قىزمەت كورسەتەدى. ءوتىنىم +7 707 968 79 29 WhatsApp ءنومىرى ارقىلى قابىلدانادى.