ءۇش وبلىستىڭ جولى جابىلدى

جولداردى كۇتىپ-ۇستاۋعا 893 ارنايى تەحنيكا مەن 1145 جولشى جۇمىلدىرىلدى.

اۋا رايىنىڭ قولايسىزدىعىنا بايلانىستى ءۇش وبلىستا رەسپۋبليكالىق ماڭىزى بار اۆتوجولداردىڭ 4 ۋچاسكەسىندە كولىك قوزعالىسىنا شەكتەۋ ەنگىزىلدى، دەپ حابارلايدى Almaty-akshamy.kz قازاۆتوجول-عا سىلتەمە جاساپ.

2 اقپان ساعات 11.00-دەگى احۋالعا سايكەس:

جامبىل وبلىسىندا – 2 ۋچاسكە

"الماتى-تاشكەنت-تەرمەز" 534-593 كم، ايشا ءبيبى اۋىلىنان تۇركىستان وبلىسى شەكاراسىنا دەيىن – 59 كم. شەكتەۋ اۆتوكولىكتىڭ بارلىق ءتۇرى ءۇشىن قولدانىلادى.

"الماتى-تاشكەنت-تەرمەز" 159-476 كم، كەنەن اۋىلىنان اقشولاق اۋىلىنا دەيىن – 317 كم. شەكتەۋ جۇك كولىكتەرى ءۇشىن ەنگىزىلدى (بۇرقاسىن، شەكتەۋلى كورىنىس).

جەتىسۋ وبلىسىندا – 1 ۋچاسكە

"ءۇشارال-دوستىق" 84-184 كم، كوكتۇما ستانساسىنان دوستىق ستانساسىنا دەيىن – 100 كم. شەكتەۋ اۆتوكولىكتىڭ بارلىق ءتۇرى ءۇشىن قولدانىلادى (بۇرقاسىن، شەكتەۋلى كورىنىس).

تۇركىستان وبلىسىندا – 1 ۋچاسكە

"الماتى-تاشكەنت-تەرمەز" 593-652 كم، جامبىل وبلىسىنىڭ شەكاراسىنان ماشات ەلدى مەكەنىنە دەيىن – 59 كم.شەكتەۋ اۆتوكولىكتىڭ بارلىق ءتۇرى ءۇشىن قولدانىلادى (جامبىل وبلىسىنداعى اۋا رايىنىڭ قولايسىزدىعىنا بايلانىستى).