"نارتاي" ءفيلمى 5 مامىر كۇنى كورەرمەن نازارىنا ۇسىنىلادى.
پروديۋسەر گۇلنار سارسەنوۆا باستاعان Eurasia Film Production كينوكومپانياسىنىڭ ءتۇسىرىلىم توبى 3 جىل جۇمىس ىستەگەن «نارتاي" ءفيلمى كورەرمەنگە جول تارتادى. ول ەلىمىزدىڭ كينوتەاترلارىنان 5 مامىردان باستاپ كورسەتىلە باستايدى، دەپ حابارلايدى Almaty-akshamy.kz Elorda.info-عا سىلتەمە جاساپ.
فيلمدە 1991 جىلعى وقيعا باياندالعان. سيۋجەتتىڭ باس كەيىپكەرى - نارتاي ساپارعالييەۆ. ونى كسرو-دان گەرمانياعا قاشىپ كەتكەن ورىس ەكۆيليبريسى تانكىمەن بىرگە كەزدەيسوق ۇرلاپ اكەتەدى. جارقىن قازاق جىگىتى شەت ەلدە دوستار تاۋىپ، ميۋنحەننىڭ باستى الاڭىندا – ماريەنپلاستا ءارتىس بولىپ جۇمىس ىستەيدى جانە جولىندا كەزدەسكەن كەز كەلگەن ادامعا ءوزىنىڭ كەرەمەت باتىلدىعىن، تاپقىرلىعى مەن ءازىلىن كورسەتەدى.
فيلم ۆلاديميرا كۋنيننىڭ «رۋسسكيە نا ماريەنپلاس» رومانىنىڭ جەلىسىمەن تۇسىرىلگەن. سەنارييىن «مامى»، «ۆوزۆراششەنيە مۋحتارا»، «ليۋبوۆ-موركوۆ 3»، «پوبەگ» جانە «ماجور» كارتينالارى ارقىلى تانىمال بولعان سەرگەي كالۋجانوۆ جازدى.
"ارينە، ءار كورەرمەن «نارتايدان» وزىنە جاقىن ءبىر نارسەنى تابادى. ءبىراق، مەن ءۇشىن بۇل - ەڭ الدىمەن ءتۇرلى ۇلت پەن ءتۇرلى بۋىننىڭ دوستاستىعى. فيلم كەيىپكەرلەرىنىڭ قاراپايىمدىلىعى مەن شىنايىلىعى جاسىنا، ۇلتىنا نەمەسە ساياسي كوزقاراسىنا قاراماستان، كورەرمەندەردىڭ جۇرەگىن جىلىتادى دەپ سەنەمىن"، – دەدى پروديۋسەر گۇلنار سارسەنوۆا.
باستى رولگە كوپتەگەن وتاندىق اكتەرلەر، سونىڭ ىشىندە اسىلحان تولەپوۆ پەن جاندوس ايباسوۆ ۇمىتكەر بولدى. الايدا، اۆتورلاردىڭ تاڭداۋى شارىپبەك زاكىروۆكە ءتۇستى. ءبىر قىزىعى، بۇل - ونىڭ قاتىسۋىمەن سوڭعى ايدا شىعاتىن كينوورتالىقتىڭ ءۇشىنشى جوباسى («1941 جىلدىڭ جازى»، «پاتريوتتار ۋاقىتى») جانە اكتەردىڭ باستى ءرولدى سومداعان العاشقى ءفيلمى.
سونداي-اق، فيلمگە گريگوريي چابان مەن اننا ستارچەنكو جانە ولاردىڭ نەمىس ارىپتەستەرى قاتىستى. ءفيلمنىڭ قويۋشى-وپەراتورى – ازامات دۋلاتوۆ. فيلم نەگىزىنەن قازاقستان مەن گەرمانيادا ءتۇسىرىلدى.