دەپۋتات امانجان جامالوۆ ۇكىمەتكە وسىنداي ۇسىنىسىن جەتكىزدى.
بالا تۋعان ايەلدەردىڭ زەينەتكەرلىك جاسىن تومەندەتۋ قاجەت. ماسەلەن، ءار بالانى دۇنيەگە اكەلگەنى ءۇشىن زەينەتكە 2 جىل ەرتە شىعۋعا مۇمكىندىك بەرۋ كەرەك، دەپ حابارلايدى اlmaty-akshamy.kz «حابار 24»-كە سىلتەمە جاساپ.
وسىلايشا، ءۇش بالا تۋعان ايەل زەينەتكە 6 جىل ەرتە شىعادى، بۇل – 55 جاستىڭ شاماسى. دەپۋتات امانجان جامالوۆ ۇكىمەتكە وسىنداي ۇسىنىسىن جەتكىزدى. ايتۋىنشا، ەلدە ايەلدەردىڭ زەينەتكەرلىك جاسىن تومەندەتۋدىڭ جولدارىن قاراستىرۋ كەرەك. سەبەبى قازىرگى زاڭناما بويىنشا تەك 5 جانە ودان كوپ بالا تۋعان ايەلدەر عانا 53 جاسىندا زەينەتكە شىعادى.
دەپۋتات، سونداي-اق، بالا كۇتىمىمەن ۇيدە وتىرۋعا ءماجبۇر انالار ۋاقىتشا جۇمىسسىز قالىپ، كاسىبي قابىلەتتىلىگىن تومەندەتەتىنىنە نازار اۋداردى. جارنا اۋدارماعاندىقتان، زەينەتاقى مولشەرى تومەندەيدى. امانجان جامالوۆ الايدا زەينەتكەرلىك جاسىن 10 جىلدان ارتىق تومەندەتپەۋ كەرەك، - دەپ اتاپ ءوتتى.