اتىراۋ مۇناي وڭدەۋ زاۋىتىنىڭ جانار-جاعارماي شىعاراتىن نەگىزگى جەلىسى جۇمىسىن توقتاتتى. وعان سەبەپ، كاسىپورىندا وندىرىلگەن سۇيىلتىلعان گازدى وزگە وڭىرلەرگە تاسىمالداۋدا كىدىرىس پايدا بولعان، دەپ حابارلايدى Almaty-akshamy.kz «حابار 24» سىلتەمە جاساپ.
سونىڭ سالدارىنان قويمادا بوس ورىن جوق. ءقازىر گاز ساقتاۋ پاركىندە 800 توننا ءونىم جينالىپ تۇر.
پاركتىڭ سىيىمدىلىعى – 810 توننا عانا. سول سەبەپتى مۇناي وڭدەۋ زاۋىتى 10 قاڭتاردان باستاپ كاتاليتيكالىق كرەكينگ قوندىرعىسىنىڭ جانە وعان قاتىستى تەحنولوگيالىق نىسانداردىڭ جۇمىسىن امالسىز شەكتەپ وتىر.
ءبىرقاتار تەحنولوگيالىق قوندىرعىنىڭ توقتاۋى زاۋىت وندىرەتىن باسقا ونىمدەردىڭ شىعۋىنا دا قول بايلاۋ بولىپ تۇر. اتاپ ايتقاندا، سۇيىلتىلعان كومىرسۋتەگى گازى تاۋلىگىنە 500 توننادان 20 تونناعا دەيىن، اۆتوبەنزين 6000 توننادان 1 500 تونناعا دەيىن، ال ديزەلدى وتىن تاۋلىگىنە 4 000 توننادان 2 000 تونناعا دەيىن ازايدى.