وتىنىمدەر 12 نوميناسيا بويىنشا قابىلدانادى
باسپا، راديو جانە ينتەرنەت-جۋرناليستيكا سالاسىنداعى ۇزدىكتەردى انىقتايتىن «URKER» – 2023 ۇلتتىق بايگەسىنە ءوتىنىم قابىلداۋ باستالدى، دەپ حابارلايدى Almaty-akshamy.kz.
اقپارات جانە قوعامدىق دامۋ مينيسترلىگىنىڭ اقپاراتىنشا، بايقاۋعا مەدياكونتەنت وندىرەتىن جانە تاراتاتىن رەسپۋبليكالىق، وڭىرلىك جانە حالىقارالىق راديوستانسيالار، باسپا جانە ينتەرنەت-باسىلىمدار قاتىسا الادى.
ءوتىنىم قابىلداۋ 9 تامىزدان باستاپ 4 قىركۇيەككە دەيىن جالعاسادى.
كونكۋرcتىق جۇمىستار 2022 جىلعى 25 قىركۇيەك پەن 2023 جىلعى 8 تامىز ارالىعىندا مەرزىمدىك باسىلىمداردا، ينتەرنەت-رەسۋرستا جاريالانۋى نە راديوەفيردە شىققان بولۋى ءتيىس. ءار ۇمىتكەر بايقاۋدىڭ تەك ەكى نوميناسياسىنا قاتىسا الادى (ەكەۋدەن ارتىق ەمەس).
وتىنىمدەر urker-awards.kz رەسمي سايتىندا كەلەسى اتالىمدار بويىنشا قابىلدانادى:
جىلدىڭ ۇزدىك سۇحباتى؛
جىلدىڭ ۇزدىك رەپورتاجى؛
الەۋمەتتىك تاقىرىپتاعى ۇزدىك ماتەريال؛
جىلدىڭ ۇزدىك جۋرناليستىك زەرتتەۋى (سەيداحمەت بەردىقۇلوۆ اتىنداعى ارنايى نوميناسيا)؛
جىلدىڭ ۇزدىك اناليتيكالىق ماتەريالى؛
جىلدىڭ ۇزدىك جاڭالىقتار پورتالى؛
راديوستانسياداعى ۇزدىك جوبا؛
جىلدىڭ ۇزدىك فوتوسۋرەتى؛
ۇزدىك وڭىرلىك ب ا ق؛
ۇزدىك حالىقارالىق ب ا ق (باسپا، راديو، ينتەرنەت-جۋرناليستيكا سالاسىنداعى)؛
ۇزدىك پودكاست؛
ۇزدىك YouTube كانالى.
بايگەگە تۇسەتىن جۇمىستاردى (ماتەريالداردى) بەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن حالىقارالىق مەديا ساراپشىلار – بايقاۋدىڭ تاۋەلسىز قازىلار القاسى باعالايتىن بولادى.
كونكۋرس قورىتىندىسى بويىنشا ءار نوميناسيانىڭ ۇزدىگىنە – جەڭىمپاز اتاعى بەرىلىپ، «URKER» – 2023 ەستەلىك مۇسىنشەسى مەن 1 000 000 تەڭگە مولشەرىندەگى اقشالاي سىياقى تابىستالادى.
ۇلتتىق بايگە ۇيىمداستىرۋشىلارى – اقپارات جانە قوعامدىق دامۋ مينيسترلىگى، «مەديا دامىتۋ قورى» كورپوراتيۆتىك قورى.