ۇرىمشىدە قازاقستاندىق جانە قىتايلىق كولىك-لوگيستيكالىق كومپانيالاردىڭ كەزدەسۋى ءوتتى، دەپ حابارلايدى almaty-akshamy.kz
تاراپتار ىنتىماقتاستىقتى ودان ءارى دامىتۋ پەرسپەكتيۆالارىن تالقىلادى
2024 جىلعى 23 ناۋرىزدا ءۇرىمشى قالاسىندا كولىك ءمينيسترى م.قارابايەۆتىڭ جۇڭگو حالىق رەسپۋبليكاسىنا جۇمىس ساپارى شەڭبەرىندە كولىك-لوگيستيكالىق ىنتىماقتاستىق بويىنشا دوڭگەلەك ۇستەل ءوتتى.
دوڭگەلەك ۇستەلگە 60-قا جۋىق قازاقستاندىق جانە قىتايلىق كومپانيا قاتىستى.
قحر دەلەگاسياسىن شىڭجاڭ - ۇيعىر اۆتونوميالىق اۋدانى حالىق ۇكىمەتى حاتشىسىنىڭ ورىنباسارى لفان جيۋ باستاپ باردى.
ءىس-شارا بارىسىندا كومپانيالار اۆياسيالىق، تەمىرجول جانە اۆتوموبيل جۇك تاسىمالدارى، سونداي-اق جۇك حابتارىن قۇرۋ جانە تەمىرجول ينفراقۇرىلىمىن دامىتۋ سالاسىندا پەرسپەكتيۆالار ۇسىندى.
ىسكەر توپتار كەزدەسۋىنىڭ قورىتىندىسى بويىنشا ەكى ەل اراسىنداعى ءوزارا ءتيىمدى ىنتىماقتاستىقتى تەرەڭدەتۋ جانە كەڭەيتۋ جونىندە ۋاعدالاستىقتارعا قول جەتكىزىلدى.