بيىل ۇيىمنىڭ قۇرىلعانىنا 30 جىل تولادى.
ۇجىمدىق قاۋىپسىزدىك تۋرالى شارت ۇيىمىنا (ۇقشۇ) مۇشە مەملەكەتتەردىڭ مەرەيتويلىق ءسامميتى 16 مامىردا ماسكەۋدە وتەدى، دەپ حابارلايدى Almaty-akshamy.kz.
بۇل تۋرالى رەسەي پرەزيدەنتىنىڭ باسپا ءسوز حاتشىسى دميتريي پەسكوۆ ءمالىم ەتتى.
«16 مامىردا ماسكەۋدە ۇقشۇ-نىڭ 30 جىلدىعىنا وراي ۇيىمعا مۇشە مەملەكەتتەردىڭ ءسامميتى وتەدى. مەملەكەت باسشىلارى كەزدەسۋ وتكىزىپ، تاڭعى اس فورماتىندا جەكە باسقوسۋلار ۇيىمداستىرىلادى. وسى ءىس-شارانىڭ قورىتىندىسى بويىنشا ۇقشۇ باس حاتشىسى ستانيسلاۆ زاس جانە ارمەنيا پرەمەر-مينيسترى نيكول پاشينيان جۋرناليستەر الدىنا شىعىپ ءسوز سويلەيدى»، – دەدى پەسكوۆ.
قازىرگى ۋاقىتتا ۇقشۇ-عا التى ەل – ارمەنيا، بەلرۋس، قىرعىزستان، قازاقستان، رەسەي مەن تاجىكستان كىرەدى.