كارانتين كەزىندە لوگيستيكالىق تىزبەكتەردىڭ ءۇزىلىپ قالۋى مەن سوڭعى گەوساياسي احۋال وسىعان اكەلدى.
بۇل تۋرالى ۇلتتىق ەكونوميكا ءمينيسترى الىبەك قۋانتىروۆ ايتتى. بۇل رەتتە، ازىق-تۇلىك باعاسىنىڭ جىلدىق ءوسىمى 15،4%-تەن 17،9%-كە دەيىن ارتقان، دەپ حابارلايدى Almaty-akshamy.kz
اسىرەسە قانت، قىرىققابات، كۇنباعىس مايى باعا وسىمىنە ەڭ كوپ ۇلەس قوسىپ وتىرعانىن ايتا كەتكەن ءجون. ازىق-تۇلىككە جاتپايتىن تاۋارلاردىڭ قۇنى دا سىرتقى نارىققا تاۋەلدىلىك سالدارىنان ايتارلىقتاي قىمباتتاعان.
"مىسالى، اقش-تا ينفلياسيا 8 پروسەنتتەن اسىپ كەتتى. بۇل دا ولار ءۇشىن ۇلكەن رەكورد. گەرمانيادا، رەسەيدە، وزبەكستاندا رەكوردتار تىركەلدى. قازاقستاندا دا رەكورد ۇلكەن – ءساۋىردىڭ قورىتىندىسى بويىنشا. ازىق-تۇلىك ينفلياسياسى جالپى تۇتىنۋ باعالارىنىڭ يندەكسىنە قاتتى اسەر ەتۋدە. ۇكىمەت پەن ۇلتتىق بانك ءتيىستى ششارالار قابىلداپ جاتىر. ينفلياسيانى اۋىزدىقتاۋعا ارنالعان شارالار كەشەنى بار. ۇلتتىق بانك اقشا-كرەديت ساياساتىن جۇرگىزسە، ۇكىمەت جەدەل جانە جۇيەلى شارالار قابىلداپ جاتىر. ەڭ باستىسى ازىق-تۇلىكتىڭ يمپورتىن الماستىرۋدى 80 پپروسەنتتەن 100 پروسەنتكە دەيىن جەتكىزۋ ماقسات ەتىلىپ وتىر"، - دەيدى ق ر ۇلتتىق ەكونوميكا ءمينيسترى الىبەك قۋانتىروۆ.
پرەمەر-مينيستر ءاليحان سمايىلوۆ ۇكىمەت مۇشەلەرىنە ينفلياسيانى تەجەۋ بويىنشا ءتيىستى شارالاردى ودان ءارى اتقارۋدى تاپسىردى. مەملەكەتتىك ورگاندار مەن اكىمدىكتەر نارىقتاعى باعا قۇبىلۋىن ەرەكشە باقىلاۋدا ۇستاۋى ءتيىس.