ۇقشۇ جانە تمد باقىلاۋشىلارى قۇقىق بۇزۋشىلىق جوق ەكەنىن ايتتى
ۇقشۇ پارلامەنتتىك اسسامبلەياسىنىڭ وكىلى باروت باروتزودا مەن تمد باقىلاۋشىلارى ميسسياسىنىڭ باسشىسى لەونيد انفيموۆ بريفينگ بارىسىندا قازاقستاندا رەفەرەندۋم وتكىزۋدە ەلەۋلى ەسكەرتۋلەر نەمەسە قۇقىق بۇزۋشىلىقتار جوق ەكەنىن اتاپ ءوتتى.
«ۇقشۇ پارلامەنتتىك اسسامبلەياسىنىڭ باقىلاۋشىلارىنىڭ جۇمىس توبىندا وسى ۇيىمعا قاتىسۋشى بارلىق مەملەكەتتەر ۇسىنىلعان، ولار ۋاقىتىندا نۇر-سۇلتانعا كەلىپ، الدارىنا قويىلعان مىندەتتەردى ورىنداۋعا كىرىستى. ءبىزدىڭ توپ ەكىگە بولىنەدى. نەگىزگى بولىگى – قازاقستاننىڭ ەلورداسىنا، ەكىنشى بولىگى الماتىعا جول تارتتى»، – دەدى ۇقشۇ پارلامەنتتىك اسسامبلەياسىنىڭ وكىلى، تاجىكستان رەسپۋبليكاسىنىڭ دەپۋتاتتىق ەتيكا جونىندەگى ءماجىلىس كوميسسياسىنىڭ ءتوراعاسى باروت باروتزودا.
ونىڭ ايتۋىنشا، سايلاۋ وتكىزۋدىڭ جوعارى ۇيىمداستىرىلۋى، حالىقتىڭ بەلسەندى قاتىسۋى، اعا جانە جاس ۇرپاقتىڭ پاتريوتتىق كوڭىل-كۇيى سەزىلەدى.
ول كۇننىڭ ءبىرىنشى جارتىسىندا نەگىزىنەن ەگدە جاستاعى ادامدار داۋىس بەرگەنىن، جاستار ساعات 10-دان كەيىن بەلسەندى تۇردە كەلە باستاعانىن اتاپ ءوتتى.
«10 ۋچاسكەدەگى داۋىس بەرۋ پروسەسىن باقىلاۋ بارىسىندا ءبىز رەفەرەندۋم وتكىزۋدىڭ نورمالارى مەن ەرەجەلەرىن بۇزعان جوقپىز. جۇمىس توبىنا قاتىسۋشىلاردىڭ اتىنان ق ر سىم-گە، سونداي-اق ق ر پارلامەنتى قوس پالاتاسىنىڭ باسشىلىعىنا جوعارى ۇيىمشىلدىعى ءۇشىن العىسىمدى بىلدىرگىم كەلەدى»، – دەپ تولىقتىردى باروت باروتزودا.
ءوز كەزەگىندە تمد باقىلاۋشىلارى ميسسياسىنىڭ باسشىسى لەونيد انفيموۆ تمد ميسسياسى ەڭ كوپ ەكەنىن اتاپ ءوتتى – ءار ءتۇرلى ەلدەر مەن ۇيىمداردىڭ وكىلدەرى بولىپ تابىلاتىن 144 ادام اككرەديتتەلدى.
ونىڭ ايتۋىنشا، رەفەرەندۋم كۇنىنە دەيىن جوعارعى سوت، كونستيتۋسيالىق كەڭەس، ءىىم، باس پروكۋراتۋرا جانە ادىلەت مينيسترلىگىنىڭ باسشىلىعىمەن ءبىرقاتار قىزىقتى كەزدەسۋلەر ءوتتى.