يمانعالي تاسماعامبەتوۆ "كروكۋس سيتي حولل" عيماراتىندا بولعان تەراكت تۋرالى ايتتى.
ۇقشۇ باس حاتشىسى يمانعالي تاسماعامبەتوۆ ماسكەۋ وبلىسىنداعى كروكۋس سيتي حوللدا بولعان تەراكتىدە قازا تاپقانداردىڭ تۋىستارىنا كوڭىل ايتتى، دەپ حابارلايدى Almaty-akshamy.kz
"ماسكەۋ وبلىسىنداعى كروكۋس سيتي حولل كونسەرت زالىندا ورىن العان ادامگەرشىلىككە جاتپايتىن لاڭكەستىك ارەكەت تۋرالى تەرەڭ وكىنىشپەن بىلدىك. قايعىلى وقيعا جۇرەگىمىزدى سىزداتتى. تەراكت سالدارىنان بەيبىت تۇرعىندار قازا تاۋىپ، جازىقسىز ادامدار جارالاندى. ءبىز بۇل قاتىگەز، اقتاۋعا كەلمەيتىن قىلمىستى قاتاڭ ايىپتايمىز. ءبىز سىزدەرمەن بىرگە قاتتى قايعىرامىز. جەكە ءوز اتىمنان جانە ۇجىمدىق قاۋىپسىزدىك شارتى ۇيىمى حاتشىلىعىنىڭ اتىنان قازا بولعانداردىڭ جاقىندارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرۋگە رۇقسات ەتىڭىزدەر"، دەپ جازدى تاسماعامبەتوۆ Telegram-دا.