اپاتتان زارداپ شەككەن بەسەۋى اۋرۋحاناعا جاتقىزىلدى.
الماتى-وسكەمەن تاس جولىنىڭ 336-شاقىرىمىندا ەكى Lada Priora جانە Toyota Windom كولىگىنىڭ قاتىسۋىمەن بولعان جول اپاتىنان ءتورت ادام قازا تاپتى، دەپ حابارلايدى Almaty-akshamy.kz
پوليسيانىڭ مالىمەتىنشە، Lada Priora جۇرگىزۋشىسى قارسى باعىتقا شىعىپ كەتىپ، Toyota Windom كولىگىمەن سوقتىعىسقان. وقيعا سالدارىنان Lada Priora جۇرگىزۋشىسى، ونىڭ ەكى جولاۋشىسى، سونداي-اق Toyota Windom كولىگىنىڭ ءبىر جولاۋشىسى وقيعا ورنىندا كوز جۇمدى. زارداپ شەككەن بەس ادام اۋداندىق اۋرۋحاناعا جەتكىزىلدى. وقيعانىڭ ءمان-جايى، قازا تاپقاندار مەن زارداپ شەككەندەردىڭ جەكە تۇلعالارى انىقتالۋدا.