شەكارا قىزمەتىنىڭ اۋماقتىق بولىمشەلەرى تەرروريزمگە قارسى وپەراسيالار باستالعالى دەربەس، سونداي-اق قۇقىق قورعاۋ ورگاندارىمەن بىرلەسكەن توپتار قۇرامىندا قوعامعا قارسى اكسيالارعا قاتىسۋ كۇدىگى بويىنشا 366 ادامدى قۇرىقتادى، ولاردىڭ التاۋى قارسىلىق كورسەتۋ كەزىندە جاراقات الدى، دەپ حابارلايدى اlmaty-akshamy.kz ق ر ۇقك باسپا ءسوز قىزمەتىنە سىلتەمە جاساپ.
قىلمىسكەرلەردى قولعا ءتۇسىرۋ كەزىندە: 30 بىرلىك قارۋ (تەگىس ۇڭعىلى - 22، كارابيندەر - 3، پيستولەتتەر - 5)، 245 بىرلىك ءوق-دارى، 2 بىرلىك سۋىق قارۋ؛ 8 راديوستانسيا، 4 برونەجيلەت تاركىلەندى. ۇستالعانداردان 200-دەن استام ۇيالى تەلەفون، ساندىق تەحنيكا (پلانشەتتەر، نوۋتبۋكتەر)، حالىق تۇتىناتىن تاۋارلار (15 قوراپ پارفيۋمەريا، 267 بوتەلكە سپيرتتىك ىشىمدىكتەر) جانە قوماقتى قارجى سوماسى تاركىلەندى. سونداي-اق، كۇدىكتىلەر تىزگىندەگەن 29 اۆتوكولىك، ءدىني ادەبيەتتەر مەن زاڭسىز ميتينگتەردى ۇيىمداستىرۋ ءتارتىبى بويىنشا ادىستەمەلىك قۇرالدار الىندى.
شەكارا قىزمەتىنىڭ بولىمشەلەرى تۇراقتى جاۋىنگەرلىك ازىرلىكتە، شەكارا كۇزەتى كۇشەيتىلگەن رەجيمدە جۇزەگە اسىرىلۋدا.