الماتى قالالىق پوليسيا دەپارتامەنتىنىڭ باسشىسى قانات تايمەردەنوۆ لاڭكەستەردىڭ قولىنان قازا تاپقان پوليسيا سەرجانتى الەن اسىلحانوۆ، پوليسيا ستارشيناسى رينات قامبەتوۆ پەن پوليسيا كىشى سەرجانتى نۇربولسىن الماسوۆتىڭ وتباسىنا بارىپ كوڭىل ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
قانات تايمەردەنوۆتىڭ ايتۋىنشا، ولار المالى اۋداندىق پب جانىنداعى پوليسيا ءبولىمىنىڭ اكىمشىلىك عيماراتىنا جانە ستراتەگيالىق ماڭىزى بار نىسانعا جاسالعان شابۋىلعا تويتارىس بەرۋ كەزىندە قازا تاپتى.
«لاڭكەستەرمەن كۇرەستە قازا تاپقان ارىپتەستەرىمىزدىڭ تۋىستارىمەن بىرگە قايعىرامىز. ولار ازاماتتاردىڭ قاۋىپسىزدىگى ءۇشىن جانىن قيعان ناعىز باتىرلار. نۇربولسىن الماسوۆ، رينات قامبەتوۆ جانە الەن اسىلحانوۆتىڭ ەرلىگى، وتان الدىنداعى جانقيارلىق قىزمەتى بىزگە دە، بولاشاق ۇرپاققا دا جارقىن ۇلگى بولماق. ماڭگىلىك ەستەلىك»، - دەدى، قانات تايمەردەنوۆ.
- پوليسيا سەرجانتى اسىلحانوۆ الەن مۇحيت ۇلى، 1993 جىلى تۋعان، ىشكى ىستەر ورگاندارىندا 2015 جىلدان بەرى قىزمەت ەتكەن، ۇيلەنگەن، ءبىر جاسار ۇلى بار.
- پوليسيانىڭ كىشى سەرجانتى الماسوۆ نۇربولسىن عاني ۇلى، 1994 جىلى تۋعان، ىشكى ىستەر ورگاندارىندا 2021 جىلدان بەرى قىزمەت ەتكەن، ۇيلەنبەگەن.
- پوليسيا ستارشيناسى قامبەتوۆ رينات تالعات ۇلى، 1988 جىلى تۋعان، ىشكى ىستەر ورگاندارىندا 2010 جىلدان بەرى قىزمەت ەتكەن، ۇيلەنگەن، ەكى ۇل تاربيەلەپ وتىرعان.
لاڭكەستىك ارەكەتتەردىڭ جولىن كەسۋ، سونداي-اق، مەملەكەتتىك ورگانداردىڭ اكىمشىلىك عيماراتتارى مەن ستراتەگيالىق نىساندارىنا جاسالعان قارۋلى شابۋىلداردى تويتارۋ ناتيجەسىندە بارلىعى الماتى پوليسياسىنىڭ 3 قىزمەتكەرى قازا تاپتى، تاعى 176 ساقشى جاراقات الدى، ونىڭ 8ء-ىنىڭ جاعدايى اۋىر.