شەكاراشىلار الماتى قالاسىنىڭ ستراتەگيالىق ماڭىزى بار نىساندارىن باسىپ الۋعا جول بەرمەدى، دەپ حابارلايدى اlmaty-akshamy.kz ۇقك باسپا ءسوز قىزمەتىنە سىلتەمە جاساپ.
كوميتەتتىڭ مالىمەتىنشە، شەكارا قىزمەتى الماتى وبلىسى بويىنشا دەپارتامەنتىنىڭ جەكە قۇرامى قۇقىق قورعاۋ ورگاندارىمەن جانە اسكەري قۇرىلىمدارمەن بىرلەسە وتىرىپ، الماتى قالاسىنىڭ اكىمشىلىگى مەن ستراتەگيالىق ماڭىزى بار نىساندارىن قورعاۋعا تىكەلەي قاتىسقان.
«ميتينگ كەزىندە قىلمىسكەرلەر «كوكتوبە» تەلەديدار مەن راديوحابار مۇناراسىن باسىپ الۋعا تىرىستى، وسىلايشا بانديتتەر اقپاراتتىق باسىمدىققا يە بولىپ، ءوز تالاپتارىن قويۋدى كوزدەگەن ەدى، الايدا شەكاراشىلار شابۋىلعا تويتارىس بەردى»، - دەلىنگەن حابارلامادا.
سونىمەن قاتار، شەكاراشىلار «مەدەۋ» سەلدەن قورعاۋ بوگەتىنىڭ پەريمەترىن دە باقىلاۋعا الدى.
«كونترتەرروريستىك وپەراسيانىڭ بەلسەندى كەزەڭىندە دەپارتامەنتتىڭ اسكەري قىزمەتشىلەرى ۇقك شەكارا قىزمەتىنىڭ ارنايى بولىمشەسىمەن بىرگە قىلمىسكەرلەردى، سونداي-اق زاڭسىز جولمەن شەتەل اسىپ جاسىرىنۋعا تىرىسقان ادامداردى انىقتاۋ جانە ۇستاۋ جۇمىستارىن جۇزەگە اسىردى»، - دەلىنگەن حابارلامادا.
ءقازىر شەكارا اسكەرلەرىنىڭ بولىمشەلەرى نىسانداردا جاۋىنگەرلىك كەزەكشىلىكتى اتقارۋدا.