ءبىزدىڭ قازاقستانىمىزدا بولعان جانتۇرشىگەرلىك جاعداي ەلىمىزدىڭ ءاربىر ازاماتىنىڭ جانىنا باتىپ، قابىرعاسىن قايىستىرىپ جاتىر.
بولعان وقيعالار بىزگە اششى ساباق بولدى. ءيا، شىندىعىندا ءبىز «دەموكراتيا-دەموكراتيا» دەپ ۇرانداتقان جالعان پاتريوتتارعا، ارانداتۋشىلارعا بوستاندىق بەردىك. وسىنداي ارامزالاردىڭ ارقاسىندا ەلىمىزگە تەرروريستەر باسا-كوكتەپ شابۋىل جاساپ، ويران-توپانىمىزدى شىعاردى. قانشاما جاپ-جاس بالالارىمىز ءوز بورىشتارىن وتەپ ءجۇرىپ مەرت بولدى. ولاردىڭ وتان الدىنداعى ادال ەرلىكتەرى ەل ەسىندە قالۋى ءتيىس. مەنىڭ بولعان جاعدايعا جانىم اۋىرىپ، جۇرەگىم سىزداپ وتىر. بالاسىنان ايىرىلىپ وتىرعان اتا-انالارعا، جارىنان، اكەسىنەن ايىرىلعان اعايىنعا قاتتى قينالىپ، كوڭىل ايتامىن. ەلىمىز ءۇشىن، ەلىمىزدىڭ تىنىشتىعى ءۇشىن جانىن قۇربان ەتكەن ەرلەرىمىزدىڭ جاندارى ءجانناتتا بولسىن!
بىزدەر، اردەگەرلەر، كەڭەس زامانى كەزىنەن ءارتۇرلى قيىندىقتاردى باسىمىزدان وتكەردىك. ءبىراق مۇنداي جاۋىزدىققا حالقىمىز ەشقاشان بارماعان ەدى عوي.
ەلىمىزدە ورىن العان جاعدايلار ءال-فارابي بابامىزدىڭ «تاربيەسىز بەرىلگەن ءبىلىم - ادامزاتتىڭ قاس جاۋى» دەگەن ءتامسىلىنىڭ استارىن ۇعىندىرعانداي. وسى ورايدا ارداگەرلەرگە جاستاردىڭ بويىنداعى پاتريوتتىق سەزىمدى وياتۋ ءۇشىن، قيىندىقتى شىدامدىلىقپەن، سابىرلىقپەن جەڭۋ ءۇشىن، ولارمەن تاربيە جۇمىسىن جانداندىرۋ كەرەك ەكەنىن باسا ايتقىم كەلەدى. ءدال ءقازىر بىزگە، قازاق حالقىنا، تورتكە ءبولىنىپ، بەسكە جارىلماي، بىرىگەتىن ۋاقىت كەلدى.
پرەزيدەنتىمىز قاسىم-جومارت كەمەل ۇلىنىڭ ۇندەۋىندەگى ءار ءسوزىن، شەشىمدەرىن قولداي وتىرىپ، ءبىز دە ءوز تاراپىمىزدان كومەگىمىزدى ايامايىق! ەلىمىزدىڭ كوركەيۋىنە ساتتىلىك تىلەيمىز!