قىلمىستىق ىستەر قوزعالدى.
ۇلتتىق قاۋىپسىزدىك كوميتەتىنىڭ ماماندارى قازاقستانعا وپاسىزدىق جاسادى دەگەن كۇدىكپەن ءبىر توپ ادامدى ۇستادى، دەپ حابارلايدى Almaty-akshamy.kz.
«ۇلتتىق قاۋىپسىزدىك كوميتەتى تىڭشىلىق، مەملەكەتكە وپاسىزدىق جاساۋ، مەملەكەتتىك قۇپيالاردى زاڭسىز جيناۋ جانە جاريا ەتۋ كۇدىگىمەن ادامدار توبىن، ونىڭ ىشىندە شەتەل مەملەكەتىنىڭ ازاماتىن ۇستادى»، - دەلىنگەن كوميتەتتىڭ باسپا ءسوز قىزمەتىنىڭ حابارلاماسىندا.
ق ر قك 175-بابىنىڭ 1-بولىگى (مەملەكەتكە وپاسىزدىق جاساۋ)، 176-بابى (تىڭشىلىق) جانە 185-بابىنىڭ 3-بولىگى (مەملەكەتتىك قۇپيالاردى زاڭسىز جيناۋ جانە جاريا ەتۋ) بويىنشا قىلمىستىق ىستەر قوزعالدى.
تەرگەۋ سوتى وسى ادامدار توبىنا قاتىستى قاماۋدا ۇستاۋ تۇرىندەگى بۇلتارتپاۋ شاراسىن تاڭدادى.
قىلمىستىق ىستەردىڭ «قۇپيا» بەلگىسى بار، وسىعان بايلانىستى تەرگەۋ مۇددەسىندە وزگە اقپارات جاريا ەتىلمەيدى.