رەسپۋبليكالىق بيۋدجەت 100،2% ورىندالدى.
وسى جىلدىڭ 1-توقسانىندا مەملەكەتتىك بيۋدجەتكە 3،6 ترلن تەڭگە سالىق تۇسىمدەرى ءتۇستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وتكەن جىلدىڭ ۇقساس كەزەڭىمەن سالىستىرعاندا 1،7 ەسە نەمەسە 1 520،9 ملرد تەڭگەگە ءوستى، ونىڭ ىشىندە رەسپۋبليكالىق بيۋدجەت 100،2% ورىندالدى»، - دەلىنگەن مەملەكەتتىك كىرىستەر كوميتەتىنىڭ حابارلاماسىندا.
جالپى، 2022 جىلعى 1-توقساندا ەلەكتروندى شوت-فاكتۋرالار دەرەكتەرى بويىنشا ءۇي قىزمەتشىسىن جالدايتىن جانە ءوزى تۇتىنۋ ءۇشىن تاۋارلار مەن قىزمەتتەر وندىرەتىن ءۇي شارۋاشىلىقتارى قىزمەتى 3،6 ەسەگە، ونەر، ويىن-ساۋىق جانە دەمالىس 1،8 ەسەگە، وزگە دە قىزمەت تۇرلەرىن ۇسىنۋ 1،7 ەسەگە، كەن ءوندىرۋ ونەركاسىبى جانە كارەرلەردى قازۋ 1،6 ەسەگە، اقپارات جانە بايلانىس 58،1%-عا، كاسىبي، عىلىمي جانە تەحنيكالىق قىزمەت 44،7%-عا، قۇرىلىس 29،9%-عا، اۋىل، ورمان جانە بالىق شارۋاشىلىعى 29،6%-عا، ءبىلىم بەرۋ 26،9%-عا، كوتەرمە جانە بولشەك ساۋدا 24،8%-عا جانە ونەركاسىپتى وڭدەۋ 22،8%-عا ءوستى.
2021 جىلدىڭ ۇقساس كەزەڭىمەن سالىستىرعاندا، رەسپۋبليكالىق بيۋدجەت تۇسىمدەردىڭ ەڭ كوپ سوماسى مۇنايعا سالىناتىن كورپورتاتيۆتى تابىس سالىعى بويىنشا 502،2 ملرد تەڭگەگە نەمەسە 2،3 ەسە، ىشكى تۇتىنۋ تاۋارلارىنا قوسىلعان قۇن سالىعى 408،7 ملرد. تەڭگەگە نەمەسە 5،9 ەسە جانە ەكسپورتتىق كەدەن باجدارى بويىنشا 212،2 ملرد تەڭگەگە نەمەسە 2،2 ەسە وسكەنى بايقالادى.