ۇقك ماسىموۆكە قاتىستى تەرگەۋدى اياقتادى

«ۇقك بۇرىنعى باسشىلىعى ك.ق. ماسىموۆكە، ا.ت. سادىقۇلوۆقا، د.ە. ەرعوجينگە، م.س. وسىپوۆكە جانە لاۋازىمدى ادامدار د.م. اكيپوۆكە، ن.ك. بەكمۇراتقا، ا.ا. قاتىستى قىلمىستىق ءىستى تەرگەۋدى اياقتادى»، - دەلىنگەن حابارلامادا.

ۆەدومستۆو مالىمەتىنشە:

ءماسىموۆتىڭ جانە سادىقۇلوۆتىڭ ارەكەتتەرى قىلمىستىق كودەكستىڭ 175-بابى 1-بولىگى («مەملەكەتكە وپاسىزدىق جاساۋ»)، 179-بابى 3-بولىگى («بيلىكتى كۇشپەن باسىپ الۋ») جانە 362-بابى 4-بولىگى 3-تارماعى بويىنشا («بيلىكتى نەمەسە لاۋازىمدىق وكىلەتتىكتەردى اسىرا پايدالانۋ»)؛

ەرعوجين قك-نىڭ 179-بابى 3-بولىگى («بيلىكتى كۇشپەن باسىپ الۋ») جانە 362-بابى 4-بولىگى 3-تارماعى بويىنشا («بيلىكتى نەمەسە لاۋازىمدىق وكىلەتتىكتەردى اسىرا پايدالانۋ»)؛

ءوسىپوۆ قك-نىڭ 362-بابى 3-بولىگى بويىنشا («بيلىكتى نەمەسە لاۋازىمدىق وكىلەتتىكتەردى اسىرا پايدالانۋ»)؛

اكيپوۆ جانە بەكمۇرات قك-نىڭ 362-بابى 1-بولىگى بويىنشا («بيلىكتى نەمەسە لاۋازىمدىق وكىلەتتىكتەردى اسىرا پايدالانۋ») سارالانعان.

قازىرگى ۋاقىتتا كۇدىكتىلەردى ءىس ماتەريالدارىمەن تانىستىرۋ جۇرگىزىلىپ جاتقانى ايتىلدى.

«ءىس ماتەريالدارىمەن تانىسۋ كەزەڭىنە قاماۋدا ۇستاۋ مەرزىمى ءماسىموۆ پەن سادىقۇلوۆقا 6 قازانعا دەيىن، ەرعوجينگە 13 قازانعا جانە وسىپوۆكە 22 قازانعا دەيىن ۇزارتىلدى»، - دەلىنگەن حابارلامادا.